Danîa 12:11 - Yálá laawoo hɛɓɛ (dc)

¹¹ Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Yálá laawoo hɛɓɛ

¹¹ Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Bible

¹¹ “É kúla ŋ̀ele kélee sala kula mɛ̂ni-ŋai kpera tãi ma da tãi a pâi zɛŋ nyɔ́mɔɔ kɛ́tɛi seêi la Ŋ̀âla-pɛrɛ Kɛ́tɛi mui, ɣele kûu wála tɔnɔ, ŋuŋ feerɛ pôlu buu lɔ́ɔlu mɛi náaŋ (1,290) a pâi tɛɛ̂i.

Danîa 12:11 Referans Kwoze

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

M̀ɛni-lɛɛi 13:5

Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Danîa 1:12

«Gáá bɔ ə́ ə́ wɔ kóló kɛ nuąi ŋɛ̨i a kuɔ, ə́ ku hu kɔ́ɔn bələ kɛ tii, hvóló pow kuu mu, yɛ nɔw da wulu ɓaɠaa da ya kpɛli-kpɛli tɛɛ ku pɔ.

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.

Izikiɛ 4:6

Yá volóɠaai ti laa kulɔ, ə́ pənə, ə́ laa ə́ ɓa-mįi-yee hu pələ, Ɉuda nu huwu nwɔ nɛ̨ŋɛ̨n həɠə hvóló pow nąąn ɲeemu; hvóló tɔ̨nɔ̨ kwɛlan dɔ̨nɔ̨.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Lɛɛ gbɔwɔ ɓa 29:38

«Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.