Danîa 12:10 - Yálá laawoo hɛɓɛ (dc)

¹⁰ Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Yálá laawoo hɛɓɛ

¹⁰ Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Bible

¹⁰ Núu támaa da pâi maa wâa-laa sɔlɔ ƃôi, pɔ́ɔ é kpɛ́ɛ dîa, dámaa maa é fáleŋ. Kɛ́lɛ zɔnyɔ̂ŋ-ƃelai yée a pâi kɛ̂i nɔ́ sɔnyɔ̂ŋ su. Da fé pâi wɔ́lɔ m̀ɛnii kɛ̂i ŋ̀á kâai. Kɛ́lɛ dáre-ƃelai nɔ́ ƃé pâi m̀ɛnii ŋá kâai kɛ̂i.

Danîa 12:10 Referans Kwoze

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Ɉaan 8:47

Nui gaa a Yálá nwɔɔ, a nwəli tɔɔ Yálá woo ɓa. Gɛ mɛ̨nį ka hvo a Yálá nwɔɔɠaa, ya ɓə gɛi ka hvo ka wəli tɔɔi la nwóó ɓa.»

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Danîa 11:33

Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Izikiɛ 47:11

Kɛlaa bɔwaɠaa di wɛi, di hu yaɠaa di hvo pai lɛlɛi; di kaa pai di lɛɛi tii, diɛ pɛli kpolo kulɔi laa.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

M̀ɛni-lɛɛi 19:8

daa mąą laa tɛɛ bɔ, ə gɛ, ə mąąyili a həɠə kwɛlɛɛ lɛlɛɛ, yɛ lən, hɛn da pɔɔ hvo ɉu, mąąhɔlɔɓo, ɉəɠə kwɛlɛɛ tii, tələnmo nuą, da nu mąąhəɠɛɛɠaa di kɛ-mɛ̨nį lɛlɛɛɠaa tii li.»

M̀ɛni-lɛɛi 16:11

Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Hebreu 12:10

Gu nąnnii tii di wɛi, di kɛli gu hutɔɔ a di wɔɔ mɛ̨nį hukpɛ kili, a di wɔɔ yələ; kɛlaa Yálá nwɛi, a gu hutɔɔ, gwa dɔlɔ hɔlɔɓo a nwɔ Yálá-laa.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Samuɛlə dɔlɔɔ 24:13

Gɛ́ Yai-Laa ə gwa yɛ́ gu lɔwai mɛ̨nį hutɔɔ. Yai-Laa ə nwą́ną kulɔ yɛ́. Kɛlaa, və́ pai ɲéé tunwɔ̨n ɉii yɛ́.

Malasi 3:3

Gaa pai heei, ə gɛ, ə liɓi da nɔ̨nwɔ̨ di waa. Bələi tii da hɛni da wali kwɛli di waa la a nwɔ̨n, bələ ɓə gaa pai Levi nu huwu mąą həɠəi la. Nąąlɔwai tii ɓə, haláá laa həli nuą da Yálá kɔ́ hɛn naa həli la Yai-Laa ɓa a ɉaŋąą, yɛ bələi bɛliɛi la ɉu.