Danîa 11:32 - Yálá laawoo hɛɓɛ (dc)

³² Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Yálá laawoo hɛɓɛ

³² Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Bible

³² Diai pâi gbanaŋ-wooi karai da Ɣâla-ni díloai, gâloŋ a pâi díkîrii é díyee mɛi ɣále. Kɛ́lɛ diai laa-la kpanaŋ káa díyêei Díɣâlai mɛni mai ǹyée fé pâi pɔrîi dîa.

Danîa 11:32 Referans Kwoze

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Hanwon 26:28

Lɛɛmun a wɛlikpɛɛmąąlaa kulɔ a nuąi a lɛɛ pɛlɛ di nwuɔ̨. Woo hveelɛ laa a nu nwun na pili.

Hanwon 19:5

Nui a kɛla hvaa ɓo a lɛɛ, ɉu tɔɔ mɛ̨nį hva ɉəɠə mą. Nui a lɛɛ kɛ, nwun va kulɔ ɉu.

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.

Danîa 11:21

«Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Danîa 11:34

Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»