Danîa 11:30 - Yálá laawoo hɛɓɛ (dc)

³⁰ Nuą da həɠə Kitimə lɔi hu hvóló tooi pələ diɛ pa ɓaton ɉu, di pa di pɛlɛ ma. Vii a kpɛɛ, ə pənə bulu, nuąi ŋɛ̨i Yálá ə mįnɛ̨ həɠə diɛ, diɛ ɓə a nwąną kulɔ diɛ, nuą yiiɠaai di hva lɛɛ mįnɛ̨ həɠəə tii ɓa a woo tɔ̨nɔ̨ namɛnaa, da diɛni di pɛli ɉu.

Yálá laawoo hɛɓɛ

³⁰ Nuą da həɠə Kitimə lɔi hu hvóló tooi pələ diɛ pa ɓaton ɉu, di pa di pɛlɛ ma. Vii a kpɛɛ, ə pənə bulu, nuąi ŋɛ̨i Yálá ə mįnɛ̨ həɠə diɛ, diɛ ɓə a nwąną kulɔ diɛ, nuą yiiɠaai di hva lɛɛ mįnɛ̨ həɠəə tii ɓa a woo tɔ̨nɔ̨ namɛnaa, da diɛni di pɛli ɉu.

Bible

³⁰ Yá ŋá kɔ-kɔ-keleŋ-ŋa támaa da pâi kulâi Kitiŋ dí pá kɔ́ pɛ́lɛ m̀a dí ǹyée mɛi ɣále. A pâi a yaôi é lene pôlu bɔ́-taai a lii ŋwâna. “Gɛ̀ ní ŋɔlii ŋwânai su, a pâi kɔ̂i a gɛɛ é Ɣâla ŋɔnûai kpéra díɣâla mɛni kɛ́-mɛni-ŋai dîa. Diai pâi kɛ̂i gbanaŋ-wooi mɛi kâai da Ɣâla-ni díloai, a pâi ǹíi ŋ̀wânai dîa. Kɛ́lɛ diai pâi gbanaŋ-wooi karâi da Ɣâla-ni díloai, a pâi dí féla fêi.

Danîa 11:30 Referans Kwoze

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Lonon mo 24:24

Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Danîa 11:28

Ɲanwuɔ̨ tɔɔmun a hɛn gɔw kɛnɛ̨ həɠə, ə pənə yɛ li la bɔ taai. Ɓɛlɔwai a kɛ lííla, pɛlɛi tii ə giliŋąhiɛ la, yɛ hvilɛn na nuąi ŋɛ̨i Yálá ə mįnɛ̨ həɠə diɛ di mąą mɛ̨nį ɓa, a bɔ mɛ̨nį kɛ, yili pulu, ə li bɔ lɔi.

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;

Azaya 23:12

Yɛ diɛ: Sidɔn nɛ̨ɛ̨gbɛla, daa hee ə́ mɛ̨i, hvá kɛa kwəinɛ̨ɛ̨ kulɔ. Ə́ muhəɠə, 'li Siprə pələ, ə mą kɛ nąą ɓə, hvó pai hvįįtɔɔ hɔlɔɓoi laa.

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»

Maafîu 24:10

Nąąlɔwai, nu tamąą kaa pai lənəi mą́ą́, diɛ di kee ni wɛli kpɛɛ diɛ.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Nehemi 6:12

Ŋą́ gɔlɔn gɛ́ diɛ, Yálá hvəi dɔɔ a mɛ̨nįi tii, mąąhɔlɔɓo, a kɛi mą́ą́ mɛ̨nį lɛɛ tii tɔwɔ yɛ mo, Sanbalatə da Toviya ɓə daa ɉala.

Kɔlɔnikɔ Maa-ŋuŋ 1:7

Yavan lonnii laa ka: Elisa, Tarsisə, Kitimə da Rodanimə.

Danîa 11:29

«Lɔwai ta a həli, ɲanwuɔ̨ tɔɔmun gaa pai muhəɠəi ə li ɉɛɠɛɛ tɔɔmun bɔɔli, kɛlaa, hva kɛ yɛ pələ dɔlɔɔ tii ə kɛ la.