Bib sou entènèt

Danîa 11:27 - Yálá laawoo hɛɓɛ (dc)

²⁷ Dɔɔɓɛlaa hveelɛi tii di kaa pai di kee kaai kɛɛnąą tɔ̨nɔ̨, ə gɛ, di pɛli mɛ̨nį tɔ̨nɔ̨ hu, kɛlaa, yɛ pələi nwąnąlɔ kiliŋąhiɛ lɔ ɓə kɛ la diɛ, di kaa pai kɛi lɔ lɛɛ kɛi di kee ɓa, di wɔ ŋąąkpɔn tii nwun va kɛ mą, mąąhɔlɔɓo, yili hva kɛ a ŋaakpɛɛi lɔwai.

Gade chapit la Kopi

Yálá laawoo hɛɓɛ

²⁷ Dɔɔɓɛlaa hveelɛi tii di kaa pai di kee kaai kɛɛnąą tɔ̨nɔ̨, ə gɛ, di pɛli mɛ̨nį tɔ̨nɔ̨ hu, kɛlaa, yɛ pələi nwąnąlɔ kiliŋąhiɛ lɔ ɓə kɛ la diɛ, di kaa pai kɛi lɔ lɛɛ kɛi di kee ɓa, di wɔ ŋąąkpɔn tii nwun va kɛ mą, mąąhɔlɔɓo, yili hva kɛ a ŋaakpɛɛi lɔwai.

Gade chapit la Kopi

Bible

²⁷ Gâloŋ feerɛi da pâi seêi dí dílaa míi gîe ma. Dímɛni kpɛtɛɛ-ŋai da pâi kɛ̂i a kíri mɛni-ŋa. Da pâi lɛ́ɛ kɛ̂i díkîe-ni dîa. Dímɛni kpɛtɛi ŋàa-see fé pâi kɛ̂i, kpɛ́ni fêi, maa tãi fé nîi seri ní.

Gade chapit la Kopi

tounen moute ⬆

Danîa 11:27
24 Referans Kwoze

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Mąątɛ̨nɛ̨ 64:6

Di kaa gbąną wooɠaa pɛli, diɛ gbąnąlaa hɛlɛn dɛ diɛ noo, diɛ kɛ: «Gbɛɛ ɓə pai gbaɠala kaai?»

Danîa 11:40

«Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Danîa 8:19

Yili pulu, yɛ mą́ą́: «Mɛ̨nii pai kɛi ɓɛlɔwai Yálá nwɔ líiɲąnwąną kaa pai kpɛɛi la, gáá nɛi yɛ́.

Hanwon 26:23

Wali kwɛlii gbo kaa mą, da ɉiɛ ləɠi kpɛli ɓa, gaa yɛ nui vaa woo nɛ̨ɛ̨, nii ɲɔ̨nwɔ̨ɔ̨ gwəi.

Hanwon 12:20

Nuąi da di kiliŋąhiɛ mɛ̨nį ɲɔ̨n ma, lɛɛ ɓə di lii pɔ. Nuąi da liilaa mąą liɛwoo kɛ, kwəinɛ̨ɛ̨ ɓə gaa di lii pɔ.

Mąątɛ̨nɛ̨ 58:2

Ka hvaa woo a tələnmolaa hvinatɔn, kaai a nukaŋąą, ka kɛ mɔ̨ɔ̨ nu lonnii kiti teei a ɉąŋąą?

Mąątɛ̨nɛ̨ 52:1

Nwələ ɲɛ̨itɔwɔmun. Davidə nwɔ kilimąą wələ.

Tɛsalonikə dɔlɔɔ 5:1

Yii hvilɛn na ɲələ da nąąlɔwai ɓa, ną́n nonnii, ká wɛi, ə mą kɛ di hvo bɛ̨ɛ̨ li di hvo dɛɛ káá;

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Danîa 11:29

«Lɔwai ta a həli, ɲanwuɔ̨ tɔɔmun gaa pai muhəɠəi ə li ɉɛɠɛɛ tɔɔmun bɔɔli, kɛlaa, hva kɛ yɛ pələ dɔlɔɔ tii ə kɛ la.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Izikiɛ 17:9

'Kɛ diɛi: Yai-Laa woo ka, yɛ: Gaa mɔ̨ɔ̨ ɓa lɛlɛɛ ɓoi? Gúwɔ́i ti hvo pai ɉamu kulɔi mu, máɠaa diɛ pɛli yohvai, diɛ kala ɲą? Nwonwo kəlee ka pai kpalai mą, huwalawalamun, da nu kpulu mąą kpaan və pai kɛi nuą diɛ, gulɔ mɛ̨nį ɓa a nwun!

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Samia Veerɛi 13:26

Absalɔn yɛ mą: «Hvaa kani ma, kwa ną́n non Amnɔn ni kwəli.» Tɔɔmun yɛ mą: «A hvilɛn ə́ pulu lə mɛ̨nį ɓa?»

Danîa 11:28

Ɲanwuɔ̨ tɔɔmun a hɛn gɔw kɛnɛ̨ həɠə, ə pənə yɛ li la bɔ taai. Ɓɛlɔwai a kɛ lííla, pɛlɛi tii ə giliŋąhiɛ la, yɛ hvilɛn na nuąi ŋɛ̨i Yálá ə mįnɛ̨ həɠə diɛ di mąą mɛ̨nį ɓa, a bɔ mɛ̨nį kɛ, yili pulu, ə li bɔ lɔi.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Swiv nou:

Lyen patwone

Piblisite

Piblisite