Danîa 11:2 - Yálá laawoo hɛɓɛ (dc)

² «Nwɛlɛɛi ŋɛ̨i gáá pai moi yɛ́, mąąnɛ̨ɛ̨ nu ə la na, ya ɓaa: Tɔɔɓɛlaa haaɓa kaa pai di kee mąąhvalin ɉii, Pɛrsə lɔi nwɔ tɔɔ kpəlin hu, nąąn gɛɛnąą kaa pai kɛi a hɛn gɔw Nąmu kɛnɛ̨, ə tɛɛ dɔlɔɔɠaai tii diɛ. Ɓɛlɔwai nwɔ hɛn gɔw kaa pai huwalawala kɛni tɛɛ la bɔ, gaa pai gɛ pələ pɛli, ə gɛ, ə kɔ́ pɛlɛ Grɛkə tɔɔmun ma.

Yálá laawoo hɛɓɛ

² «Nwɛlɛɛi ŋɛ̨i gáá pai moi yɛ́, mąąnɛ̨ɛ̨ nu ə la na, ya ɓaa: Tɔɔɓɛlaa haaɓa kaa pai di kee mąąhvalin ɉii, Pɛrsə lɔi nwɔ tɔɔ kpəlin hu, nąąn gɛɛnąą kaa pai kɛi a hɛn gɔw Nąmu kɛnɛ̨, ə tɛɛ dɔlɔɔɠaai tii diɛ. Ɓɛlɔwai nwɔ hɛn gɔw kaa pai huwalawala kɛni tɛɛ la bɔ, gaa pai gɛ pələ pɛli, ə gɛ, ə kɔ́ pɛlɛ Grɛkə tɔɔmun ma.

Bible

² Ŋ̀âla-taa-kelai è mò ǹyɛɛi, “M̀ɛnii ŋa pá m̀ôi yâi, gáa a tɔ̃yâ ǹyaŋ ŋ̀aa sèe a pâi kɛ̂i. Kâloŋ saaƃa da pâi kâloŋ-laa kɛ̂i Pɛsia lɔii mɛi a tɛɛ-ŋa. Gâloŋ ǹáaŋ ɣelei a pâi pâi nyii pâi kɛ̂i a dɔɔ́ è tɛ́ɛ gâloŋ maa-ŋuŋ saaƃai ma. A dɔɔ lâai ŋí sɔlɔ ƃô, a pâi tɔɔ̂i Gurii lɔii-kpiniŋ ma.

Danîa 11:2 Referans Kwoze

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Danîa 11:25

«Gaa pai kɛi a nii kpəlɛɛ naa nwɔ huwalawala la, gaa pai kɔlaɠa kɛnɛ̨ həɠəi, ə li ə pɛlɛ la hɛɠɛɛ tɔɔmun ma. Yili yaan, gaa pai gɛ pələ pɛli, da kɔlaɠa kɛnɛ̨, yii ɲee walawala, ə gɛ, di gɔi tii kɔ́. Kɛlaa, di yee hvo pai lɔi, mąąhɔlɔɓo, gbanalaa ɲɔ̨nwɔ̨ɔ̨ ɓə di kaa pai gɛi la.

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Danîa 7:5

Ŋą́ veelɛ kɛɛnąą kaa, yɛ ɓo yɛ: Ursə, viyən ŋąą ɓələ tɔ̨nɔ̨, huwɔ kəŋə kpɛa kɔ́w haaɓa ə ɓo ɲin nɔwai. Woo ta ə tɔɔ, yɛ mą: «Ə́ muhəɠə, ə́ huwɔ tamąą mɛɛ.»

Hanwon 22:21

Yiliɠaai da gɛ ə́ kili ə pu tɛ̨ą mɛ̨nį hu, yɛ́ pɛli kili pələ ɓoi ə́ kwɛlɛ nuą diɛ a tələnmolaa.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 8:21

Molu hilɛi tii ə́ gaa, gaa a Grɛkə tɔɔlaa. Mįnɛ̨ tɔ̨nɔ̨i tii kɛ tɔɔni ɲəi kɔ́w lɔwai, yili kaa Grɛkə tɔɔlaa hutɔɔmun dɔlɔɔ.

Ɛsdrasə 4:7

Tɔɔmun Artasɛrsɛsə nwɔ tɔɔlaa lɔwai, Bislamə, Mitredatə, Taveɛlə, da di ɓɛlaa kəlee, di hɛɓɛ́ pɛ̨ɛ̨ di dɛɛ tɔɔmun ma. Di ɉɛɓɛ́i tii pɛ̨ɛ̨ a Aramə nuą di wɔ hɛɓɛ́ kɔ́w, da di hvaa woo.

Ɛsdrasə 4:24

Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.