Danîa 11:18 - Yálá laawoo hɛɓɛ (dc)

¹⁸ Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Yálá laawoo hɛɓɛ

¹⁸ Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Bible

¹⁸ A kɛ̀ tí, a pâi kɔ́ pɛlɛ̂i yúo ma lɔii-kpiniŋ su kaloŋ-ŋai dîa é dámaa yée mɛi ɣále. Kɛ́lɛ lɔii-ŋuŋ da kpɛ́ni su kaloŋ a pâi ǹaa kulâi ǹyêei é ŋɔsu mɛni kɛ́tɛ laai kpéra. Ǹyaŋ a pâi liî pôlu a ŋumɛ bɔ́-taai.

Danîa 11:18 Referans Kwoze

Osia 12:14

Kɛlaa, Yálá kwəi mɛ̨nį hu kulɔ mun da yee ŋą ɓə Yai-Laa ə Israɛlə kulɔ la Eziptə lɔi hu, yɛ paa la; Yálá kwəi mɛ̨nį hu kulɔ mun da ɓə Israɛlə mąą kɔ́nwɔ̨.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Izikiɛ 27:6

Di ə́ hiɛ minɛ̨ɠaa kɛ a Basan wulu kpɛa kpɛa, di hə́lə́ ɲįn gəlee lɔ ə́ tɔɔ mɛ̨nį hu, da Kitimə wulu siprə.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Nwun mąąɓo 1:7

Adoni-Bɛzɛkə yɛ diɛ: «Tɔɔɓɛlaa pow mɛ̨ihveelɛ, diɛi kɛ daa di yee kpuɔ da di kɔ́wɔ kpuɔ tee diɛ, di kɛi kɔ̨nɔ̨n bɛnɛ̨ yɛɠɛ ɲə́i daɓali mu. Mɛ́nii ŋį́ gɛ a nuą, Yálá aa gwələ kulɔ mą́ą́.» Də li a Adoni-Bɛzɛkə Ɉerusalɛmə daai, nąą ɓə ə haa laa.