Danîa 11:16 - Yálá laawoo hɛɓɛ (dc)

¹⁶ Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Yálá laawoo hɛɓɛ

¹⁶ Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Bible

¹⁶ M̀ɛnii da pâi wɛ̂lii dí gɛ́i da pâi gɛ̂i. Núu da fé pâi pɔrîi tɔɔ̂i díŋɛi. Gâloŋ a pâi Gono-tee Lɔii siɣêi é sée m̀ɛi. Ǹaa a pâi kɛ̂i ŋɔwála-wala-laai mu.

Danîa 11:16 Referans Kwoze

Danîa 8:9

Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Danîa 11:41

Gaa pai nɔi lɛlɛiɠaa kəlee həɠəi, nu tamąą di ɉu haa ɓo. Kələə Edɔmə nuą, Moabə nuą, da Amɔn nu huwu gbɛa-kpɛaɠaa di wɛi da kulɔ ɉu.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 11:3

Kɛlaa, kɔ́kuláá tɔ̨nɔ̨ kaa pai kɛi a Grɛkə tɔɔmun, gaa pai kɛi lɔi kɛnɛ̨ nwun na, yii a nɛɛ mą, yɛ ɠɛ.

Danîa 8:7

Ŋą́ gaa yɛ lɛɠɛ mɛlaa hilɛi tii ɓa a liikələn gwəi, ə kɛlɛ mɛlaai tii hu, ə mįnɛ̨ hveelɛi yali, hvaŋą hvo kpɛli lɛɛ mɛlaai tii yəi yii a pɛli kɛ tɔɔi la nííla. Molui tii ə mɛlaa too nɔi ɓa, ə ɓɔlɔn mɛ̨i, nu ta hvo hɔlɔɓo yii a pɛli ə mɛlaai tii kulɔ ɲəi kɛ.

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Azaya 8:8

Gaa pai həlii Ɉuda lɔi ɓa, yɛ hiɛ mɛ̨i, yɛ nąą kəlee hvɛɛ, yɛ həli kpɔ nu kwąną, ɛlɛɛ ɲąą kɛnɛ̨ pələ, Oo Ɛmanuɛlə, gaa pai yɛ́ lɔii laa hvɛɛi nąą kəlee.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.