Danîa 10:9 - Yálá laawoo hɛɓɛ (dc)

⁹ Ŋą́ nui tii woo mɛ̨n, woo mɛ̨n tii ŋą́ moi, ɉú ə pu mą́ą́, ŋą́ pɛlɛ nɔi ɓa.

Yálá laawoo hɛɓɛ

⁹ Ŋą́ nui tii woo mɛ̨n, woo mɛ̨n tii ŋą́ moi, ɉú ə pu mą́ą́, ŋą́ pɛlɛ nɔi ɓa.

Bible

⁹ Nya ƃe è kɛ̀ lônoi ŋ́gɛ ŋ̀óo mɛni. Ŋ́gɛɛ ŋóli tɔɔ̂i mài, ŋá fɔ̃a ŋá tóo ǹɔii ma.

Danîa 10:9 Referans Kwoze

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Zôo 4:13

Ɓɛlɔwai nu nwɔ kiliŋąhiɛ a ɉu pu la mą, a hį́i tamąą kaa yii nwun və mą. Ɓɛlɔwai yii kɛnɛ̨ a nuą hon na,

Zɛnɛse 15:12

Hvóló kɔ́w tooi lɔwai, yii kɛnɛ̨ ə tɛɛ a Abramə, ɲɔw kɛnɛ̨ ə yɛɛ la.

Lukə 22:45

Gbɛɛ kɛa a Yálá hvɛliɛ, ə pa nwɔ kalan nɛai pɔ, ə di kaa, daa lɛɛ lii kələn gwəi hu, yii aa di hon.

Lukə 9:32

Piɛrə da mɛlaa di kɛi yii kpɔ kɛnɛ̨. Kɛlaa, ɓɛlɔwai di di ɲɛ̨ilaa ɓo la, di Jesus nwɔ mąąwiɛ kɛnɛ̨i tii kaa, ə lɛɛ da nu hveelɛi tii kɛ tɔɔ ni gwɛlɛ.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Zôo 33:15

Hįį pələ, da mɛ̨nįɠaa lɛ nu ɓa kpinii, ɓɛlɔwai yii kɛnɛ a nua hon na, di ɓo laa ni di wɔ gbinŋąąi ŋa diɛ yii.

Zɛnɛse 2:21

Nąąlɔwai, Yai-Laa ə yii kɛnɛ̨ tɛ nu ɲɛ̨i, ə yii. Yai-Laa ə nɛɛ mą, ə nu kəŋə gbɛakɔw tɔ̨nɔ̨ kulɔ ɉu, ə nuwu hiɛ nąą.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.