Bib sou entènèt

Danîa 10:16 - Yálá laawoo hɛɓɛ (dc)

¹⁶ Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Gade chapit la Kopi

Yálá laawoo hɛɓɛ

¹⁶ Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Gade chapit la Kopi

Bible

¹⁶ Nya ƃe zɛŋ tí ŋá gàa m̀oloŋɔɔ núu-kpune mai, è ǹyée lɛ̀ɣɛ ńa-gbɔ ma ŋá pɛ́lɛ lónoɔɔ ma. Ŋá mò mà ńyɛɛ̂i, “Zĩâi tɛ̀ɛ a ńyãai maa lii-too-pôlu káa ḿâa a ŋánaa. A gɛ́ kɔlɔ a kpɛ̀ɛ ma.

Gade chapit la Kopi

tounen moute ⬆

Danîa 10:16
29 Referans Kwoze

Danîa 8:15

Ɲą́ą́ Daniɛlə, ɉįi tii ŋą́ gaa, ŋą́ kɛ bɔ ŋą́ mukulaa kɔ́lɔn, ŋaaɓa, ŋą́ nu ta kaa tɔɔni nííla,

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Danîa 8:27

Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Danîa 7:15

Ɲą́ą́ Daniɛlə, gwə́i ə pili mą́ą́ kpɔ kɛnɛ̨, ɉįi tii ŋą́ gaa mąą mɛ̨nį ɓa.

M̀ɛni-lɛɛi 1:13

ɛlɛɛ nwulɔ nwɔ̨n ɉee hɛn mɛ̨ihveelɛi tii lɔwai, ŋą́ nu ta kaa laa yɛ nu lon. Həɠə kwɛaa ɓə kɛ gwąną, ɉɛ̨ątɔɔ a hɛni kɔlɔ.

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 1:64

Ŋąąɓa, Zakari laa ə hvaa; ə Yálá hɛɠɛɛɓo kpɔ a nwoo kɛnɛ̨.

Danîa 12:8

Ɲą́ą́ Daniɛlə, ŋą́ nwooɠaa tii mɛ̨n, kɛlaa, və́ mukulaa kɔ́lɔn. Yili ɓə gɛ, ŋą́ mąąnin gɛ kɛ, gɛ́ mą: «Nwɔ́ mɛ̨nį Nąmu, mɛ̨nįɠaa tii ŋąą kaa pai kpɛɛi ləi?»

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Izikiɛ 1:26

Ɲələkɔlɔn tii kɛ di nwun mɛ̨i yili mɛ̨i pələ, kwɛni huwu lɛlɛɛ ta ə kɛ laa; ə ɓo yɛ tɔɔ kpəli gɛ pələ, dɔɔ kpəlin gulɔ mąą mɛ̨i, nu kulɔ mąą ə kɛ laa ɲɛ̨ilai ə ɓo yɛ nu, ə ɓo kpɔ ɲələi pələ ləɠə-ləɠə.

Ikilisiati 1:18

Tɛ̨ą li, yaan, mɛ̨nįɠaai nu aa tɛɛ ɉu yɛnɛ̨ɛ̨, bələi lɔ damąąi la, bələ lɔ ɓə, nu nwɔ liihɛlɛn a tamą la. Bələi lɔ nu nwɔ mɛ̨nį kɔ́lɔn ŋąą a kɛnɛ̨ la, bələ lɔ ɓə nwɔ liikələn gwəi a kɛnɛ̨ la.

Nwun mąąɓo 13:8

Nąąlɔwai, Manoa ə Yai-Laa hvɛli, yɛ mą: «Ną́mu, Yálá ə́ wɔ nui hiɛ ə́ dɔɔ, pənə nwɔ̨nɔ̨ ə́ dɔɔ, ə́ pa ku pɔ, ə gɛ, mɛ̨nįi mąąnɛ̨ɛ̨ ku gɛ nooloi mąą mɛ̨nį hu, ə ku kilaa pɔ̨nɔ̨ la.»

Nwun mąąɓo 6:15

Zedeɔn yɛ Yai-Laa ɓa: «Ee Nwɔ́ mɛ̨nį Nąmu! Ŋą́ pɛli Israɛlə nwun mąąɓoi ləi? Manase nu huwu lɔwai, ku wɔ pɛ́lɛ́i ɓə mąąwɛliɛ, ɛlɛɛ, ɲą́ą́ ɓə ku yəi bɛlɛ́n a nokolo.»

Nwun mąąɓo 6:13

Zedeɔn yɛ malaka ɓa: «Ee! Nwɔ́ mɛ̨nį Nąmu! Akɛ Yai-Laa kaa ku pɔ, lə mɛ̨nį ɓa, mɛ̨nį ɲąąnwąnąąi ŋɛ̨i kaa laai kuɔ? Ku nąnni di kɛ kuɔ, Yai-Laa ə wɔlɔ di kulɔ Eziptə lɔi hu, ə kpalo mɛ̨nį tamąą kɛ di ɲɛ̨i ɓa, nwɔ mɛ̨inɛ̨ɛ̨ tii kaa kɛa mį? A tɛ̨ą, Yai-Laa aa gili kulɔ ku hu, aa ku kwɛlɛ Madian nuą diɛ.»

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

Lɛɛ gbɔwɔ ɓa 4:13

Moisə yɛ mą: «Nąmu nɛ̨ɛ̨ Yɛ́, nu takpɛli tɔɔ ə mo Ə́ yəi, ɲą́ą́ hvəi.»

Lɛɛ gbɔwɔ ɓa 4:10

Moisə yɛ Yai-Laa ɓa: «Ną́mu nɛ̨ɛ̨ Yɛ́, náá wiai mą́ą́, va pɛli hvaai, háákələi mɛ̨nį hvəli, və́ wala nwóó hukulɔ, gbaɠala kaa Yɛ́, yili hvo gɔwɔ tɔɔ li a volói Ə́ kɛi hvaa la Ə́ wɔ tímun bɔ.»

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Swiv nou:

Lyen patwone

Piblisite

Piblisite