Danîa 10:12 - Yálá laawoo hɛɓɛ (dc)

¹² Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Yálá laawoo hɛɓɛ

¹² Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Bible

¹² È mò ŋɔ́nɔ ḿâ ǹyɛɛi, “Danîa, ífe yao. Vóloi tí í pɛ̀lɛ la a í kpîŋ maa yeŋɔɔ Íɣâlai ŋɛ́i-túɛ a ƃaa kɛ́-maa perei a gɛɛ í mɛni ŋá káa a ǹɛ́lɛɛi, è ǹyée sèe ífɛli-wooi mu. Ŋaâ pá a gɛɛ ŋá íwoo su too.

Danîa 10:12 Referans Kwoze

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Lukə 24:38

Kɛlaa, Jesus ə mo diɛ, yɛ diɛ: «Lə mɛ̨nį ɓa ka kwəi aa pili kaa, ə lɛɛ, kaa ɲįnɛ-ɲį́nɛ̨n?

Levetekɔ 16:31

Túwɔ́ yələ li ka yəi, gaa a hvįįtɔɔ hvóló, kaa hin nɔ la a lɔwai lɔpee gəlee. Yili kaa a yələ kəlee mɛ̨nį.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Mąątɛ̨nɛ̨ 69:10

A tɛ̨ą, ə́ wɔ pɛlɛ́i mąą tolo aa lɔ ɉú kɛnɛ̨, di kaa ə́ lalan ɉi, di wɔ lalan nwoo yɛ həli mą́ą́.

Lukə 2:10

Kɛlaa, malakai tii ə mo diɛ; yɛ diɛ: «Ka hvo ɲɔ̨w, mąąhɔlɔɓo, ŋą pa wɛlɛɛ woo lɛlɛɛ ɓoi kaa yii pai nu kəlee kwəinɛ̨ɛ̨.

Lukə 1:30

Malaka ə mo mą, yɛ mą: «Mari hvo ɲɔw, mąąhɔlɔɓo, Yálá aa ɲɛ̨i lɛlɛɛ hee yɛ́.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Markə 16:6

Ɉulɔnu tii ə mo diɛ, yɛ diɛ: «Ka hvo ɲɔ̨w. Jesus Nazarɛtə mun ŋɛ̨i di gbanwo kolɔwa ɓa, ya ɓə ka ka gwɛli, hvo kɛa ɓɛ, aa nwun aa kulɔ haaɓɛlaa lɔwai. Ka pa, ɓɛi ə kɛ laa, ka nąą kaa.

Maafîu 28:10

Jesus yɛ diɛ: «Ka hvo ɲɔ̨w. Ka li ka mo Ną́n nonnii diɛ də li Galile lɔi hu nąą ɓə di kaa pai gáái laa.»

Danîa 10:11

Nui tii ə mo mą́ą́, yɛ mą́ą́: «Daniɛlə, ə́ wɛli kaa Yálá ɓa, gɛ pələ kwɛli mą, nwooɠaai ŋɛ̨i gáá moi yɛ́, ə́ ŋąą kaa. Həɠə ə́ tɔɔ, mąąhɔlɔɓo, yɛ́ bə ŋą́ pa ə́ pɔ háákələi.» Ə mo lɔ tii, ŋą́ muhəɠə ŋą́ tɔɔ, mą́ą́ yɛ ni kpɛlin.

Lonon mo 29:7

«Ɲąnin mɛ̨ihveelɛnąą nwɔ hvóló bow yələ, ka ɲąąkpɔn mąąhəɠɛɛ too, ka hin nɔ, ka hva kóló ta kɛ.