Danîa 1:8 - Yálá laawoo hɛɓɛ (dc)

⁸ Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Yálá laawoo hɛɓɛ

⁸ Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Bible

⁸ Kɛ́lɛ Danîa è gbɛ̀tɛ gíli ŋá a gɛɛ vé gâloŋ ŋɔmii-sãai ŋí da mìi, kpaa máŋ é ŋwã̂ai da kpele kpɛ́ni fêi, a gɛ̀ tí màa fé pâi kɛ̂i a ŋ̀waá. Ǹya ƃe è Asipena marê kɛ̀ a gɛɛ é fáa ma.

Danîa 1:8 Referans Kwoze

Mąątɛ̨nɛ̨ 141:4

'Hvó nį́i lɛɛ laa hvo ɉon a pələ ɲɔ̨n, 'gɛ, və́ ɲéé too nɛ̨ŋɛ̨n dúwɔ́ hu, kwa mɛ̨nį ɲɔ̨n gɛ nuą, və́ pa di wɔ hɛli kɔ̨nɔ̨n ta kɔɔn.

Korɛntə dɔlɔɔ 7:37

Kɛlaa, nui a naa kpɔ gwəi, di hvo gbaan ni, ə ɉəɠə kpɔ goo kpala, a niiɓa, yɛ, gaa pai ɉilɛtai mɛ̨nį ɓɛlɛ kɛi mą, akɛtii, aa gɛ a nɛlɛɛ.

Mąątɛ̨nɛ̨ 119:115

Kaai a mɛ̨nį ɲɔ̨n gɛ nuą, 'ka mą́ą́ laa, gɛ́ nwɔ́ Yálái nwɔ tíɓoɠaa kɛ.

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Danîa 1:5

Tɔɔmun ə mo yɛ diɛ: Hvóló kəlee, kɔ̨nɔ̨n yaai tii gaa pai kɛi mįi, da nwɔ lɔɔi gaa pai kɛi gbələi, di yili ɲɔ̨nwɔ̨mąn dɛɛ nuą tii pɔ. Bələ ɓə mąąnɛ̨ɛ̨ kɛ diɛ di kɔ̨nɔ̨n gɛ la, diɛ di kalan, kwɛlan ɉaaɓa kuu mu. Gwɛlan ɉaaɓai tii tɛɛ pulu ɓə da lɔ la tɔɔmun nwɔ kóló hu.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Dutɛrɔnome 32:38

Ɉaliɠaa ŋɛ̨i ka kɛi di kɔ́, a ka wɔ haláá hɛn nɛ̨ɛ̨-nɛ̨ɛ̨ kɛɛnąąɠaa, diɛ ka wɔ haláá lɔɔɠaai kpələ, di kaa mį kɛa? Di di muhəɠə wɛ kani! Di kpɔmąą tɛɛ ka pɔ?

Mąątɛ̨nɛ̨ 106:28

Yili pulu, di hvilɛn Baalə Peɔrə pulu, diɛ ɲąmuą kɔ́ haláá hɛn mįi.

Tɔɔɓɛlaa dɔlɔɔ 5:5

Ɉuda nuą da Israɛlə nuą di kɛ a nuą wəli pulu laɠiɛ. Nu kəlee heɛ nwɔ viɲə kpɔlɔ mu, da nwɔ ɓolaa wulu mu. Ə həɠə Dan, ə li Beɛrə-Seva, Salomɔn ŋą yɛnɛ̨ɛ̨ kəlee yee mu.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Hanwon 23:3

Ə́ ɲɛ̨i hvo kulɔ yii gaa nií la bɔ, mąąhɔlɔɓo, da pɛli ə́ təlii gɔ̨nɔ̨n tii ɓa, a kiliŋąhiɛ takpɛli.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.