Danîa 1:17 - Yálá laawoo hɛɓɛ (dc)

¹⁷ Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Yálá laawoo hɛɓɛ

¹⁷ Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Bible

¹⁷ Ɣâla è táre da mɛni ŋá káa kili-ŋa pono tɛ̀ɛ ǹyaŋkpa náaŋ ŋí pɔ́. Dí kɔlɔ sîi támaa lòno díkili-ŋa é pono mɛni sîi támaa su. É kúla nyíŋi pôlu, Ɣâla è see-woo da zĩâ su-kula târe tɛ̀ɛ Danîa pɔ́.

Danîa 1:17 Referans Kwoze

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Zôo 32:8

Kɛlaa, tɛ̨ą kili kaa nu hu, Ya ɓaa: Huwalawala Kəlee Nąmu Yálá nwɔ Kilii.

Danîa 2:23

Gáláɓɔlɔni di wɔ Yálá! Gáá ə́ laa mąątɛ̨nɛ̨i, gɛ́ ə́ laa mąąwiɛ; Gilii ŋɛ̨i ə́ dɛɛ bɔ́ da huwalawala, mąą mɛ̨nį ɓa. Mąąhɔlɔɓo, yii ku vɛli yɛ́, yaa nɛ mą́ą́, ə lɛɛ, mɛ̨nįi ŋɛ̨i vilɛn ŋąą tɔɔmun ma, yaa nɛ kuɔ.»

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Gɛlaɠaa 7:22

Di Moisə mąąkwɛli Eziptə nuą di wɔ kilikɛɲəilaa kəlee ɓa, ə kɛ a vaŋą kɛnɛ̨ɛ̨ nwooɠaa ti hu, da gɛmɛ̨nįɠaa.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Izikiɛ 28:3

Ə́ kaa ə́ kpɔwɔ kaai a kilimąą mun ə tɛɛ Daniɛlə ɓa, loo mɛ̨nį ta hvo laa yɛ ə́ kwəi pili yɛ́,

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Danîa 7:1

Bɛlsasarə ŋɛ̨i kɛ a Babilonə tɔɔmun, nwɔ tɔɔlaa gwɛlan dɔlɔɔ hu, Daniɛlə ə hįi kaa, ɓɛlɔwai ə kɛ la laani ɲəi gbinŋa, mɛ̨nį walawalaɠaai kɛ ɉįi tii hu, ə bɛ̨ɛ̨, ə ɉukulɔ, yɛ diɛ:

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Kɔlɔnikɔ Veerɛi 1:10

Gɛ́, ə́ mɛ̨nį hukpɛ kili tɛɛ bɔ́ da ɲąąkaa kili, gɛ́ pɛli ɉíɛ pələ ɲɛlɛkɛi nɔi lonnii ɲɛ̨i ɓa. Gbala ə tɔɔ, nu ta lɔpee hva pɛli ə́ nwɔ nu huwu kɛnɛ̨i ŋɛ̨i ɲąąwooɓoi.»

Tɔɔɓɛlaa dɔlɔɔ 3:28

Giiti tii tɔɔmun ə dee, bələ ə taɠa taɠa Israɛlə lɔi hu; nu kəlee diɛ ɲɔw tɔɔmun ma. Mąąhɔlɔɓo, di gaa diɛ Yálá-taa kili kaa mą, yɛ mɛ̨nįɠaa hutɔɔ la.

Danîa 8:1

Tɔɔmun Bɛlsasarə nwɔ tɔɔlaa gwɛlan ɉaaɓa lɔwai, ɲą́ą́ Daniɛlə, ŋą́ hįi takpɛli kaa nwɔ̨nɔ̨.

Danîa 5:14

Ŋą́ą́ mɛ̨nį ta mɛ̨n ə́ mąą mɛ̨nį hu, diɛ alaɠaa nii kaa ə́ mɛ̨i, ə lɛɛ, nwun gɛ ɉu mɛ̨nį da kili mɛ̨nį huponoɔ yii hvo yɛ nuą di wɛi, yɛ ɓo ə́ yəi.

Kɔlɔnikɔ Veerɛi 1:12

Mɛ̨nį hukpɛ kili da ɲąąkaa kili, gáá dɛɛi ə́ pɔ, ŋį́ bɛlɛ hɛngɔw, lɔi da mąąwiɛ ɓa. Gáá dɛɛi ə́ pɔ, ə tɛɛ la tɔɔɓɛlaai daa tɛɛ kɛ ə́ tɔwɔ, ɲɔ̨nwɔ̨mąn hvo ta kɛ li da yəi, ə mą kɛ yiiɠaai pai lɛɛi ə́ pulu.»

Danîa 1:4

Mąąnɛ̨ɛ̨ di kɛ a hilɛlɛai kiliin ɉii ɲɔ̨nwɔ̨ɔ̨ hvo diɛ, di lɛlɛɛ, kili yɛ ɓo diɛ, diɛ ɓo a mɛ̨nį kɔ́lɔn nuą, di nwun ə ɓo di hu. Di kɛ a nuąi da pɛli di kɛ ɲə́i dɔɔ-pɛlɛ́ mu. Diɛ ɓə di kaa pai di kalan ɉi a Kalde woo, da ɉɛɓɛ́ kɔ́w.

Danîa 1:18

Guu tii tɔɔmun ə dɔɔ ɉəliɛ kɛa, gbɛtɛgbuwuluɠaa nwun nąmu ə pa a ɉilɛlɛai tii tɔɔmun nííla.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Danîa 2:30

Akɛ Yálá ə hvaa mą ə mɛ̨nįi ŋɛ̨i lɛ mą́ą́, yili hva nɛ, yɛ kɛ diɛ: nwɔ́ kili mɛ̨nį yee tɛɛi nu hulúɠaa kəlee diɛ. Yálá ə yili kɛ tii, ə gɛ, mɛ̨nįi tii ɉukulaa ə lɛ tɔɔmun ma, ə gɛ, ə́ ə́ kpɔɔ lii hu kiliŋąhiɛ mąąkpɛɛ.

Danîa 4:6

Gɛ́ ma: «Bɛltsasarə, yɛ́i ə́ kaa a dɔlikpɛ nuą nwun nąmu, gíli ka ɉu gɛ́ diɛ, Yálá yii gaa a Vulú, nwɔ́ Nii kaa ə́ mɛ̨i. Yálái tii ɓə mɛ̨nį loɔ ta lɔpee hvo walawala li ɲəi. Ɉiin ŋɛ̨i ŋą́ gaa, gɛ́ ə́ ɉukulɔ mą́ą́.