Azaya 8:18 - Yálá laawoo hɛɓɛ (dc)

¹⁸ Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Yálá laawoo hɛɓɛ

¹⁸ Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Bible

¹⁸ Kwa ǹîa pɛlɛɛi nyii-ŋai Yâwɛɛ a dítɛɛ ḿbɔi, kúkaa a ŋɛi kɛ́-maa Eezuɛ-ƃelai sáma Ŋ̀wála-wâla kélee Yâwɛɛi mɛ̂ni ma nyii ŋɔkɛ-naai káa Zãiyɔŋ Yeei mai.

Azaya 8:18 Referans Kwoze

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Mąątɛ̨nɛ̨ 71:7

Ŋą́ kɛ nu tamąą ɲɛ̨i ɓa a kwəi pilimąą hɛn, yaan, yɛ́ ɓə kɛ a mą́ą́kilɛi leelee.

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Mąątɛ̨nɛ̨ 22:30

Nwun na nɛ̨ɛ̨ nuąi lɔi mɛ̨i, daa kɔ̨nɔ̨n mįi, diɛ ka gwɛli hvilɛn ɉi mą! Nuąi kpɔ haa pɛ̨ɛ̨ di nwuɔ̨, gəlee kaa pai kwɛli hvilɛn ɉi mą, di hvo pai lɛɛi a yɛnɛ̨ɛ̨ kɛ nuą.

Mąątɛ̨nɛ̨ 9:11

Nuąi ə́ laa kɔ́lɔn, da di kilitɔɔ yɛ́, hvó gaai, nuąi da ə́ kwɛli, Yai-Laa, hvá ə́ yee kulɔ di mu.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 7:16

Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Azaya 14:32

Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.

Kɔlɔnikɔ Maa-ŋuŋ 23:25

Davidə ə gbɛa mo yɛ kɛ diɛ: «Yai-Laa Israɛlə nwɔ Yálái aa liilaa yɛnɛ̨ɛ̨ tɛɛ ŋą nuąi pɔ, daa hee Ɉerusalɛmə a yələ kəlee mɛ̨nį.

Hebreu 10:33

da a kɛ, diɛ ka lalan nu kpulu hu, diɛ ɓáá kulɔ káá; nuąi di kaa di mɔ̨nɔ̨ɓoi tii, káá di mąą liihɛlɛn ɉee.

Azaya 7:3

Yai-Laa yɛ Esai ɓa: «Yɛ́ ka ə́ lon Searə-Yasuvə, ka li ka həli Akazə ɓa bowa ya kɛnɛ̨ kwɛlɛ, ɲánwuɔ̨ pələ, ɉəɠə waa yɛɛ kɔwɔi pələi pɔ pələ,

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Azaya 8:3

Kwa Yálá kwəi mɛ̨nį hukulɔ nɛ̨ɛ̨nu ku lɔ pɛlɛ́n; ə koo həɠə, ə lon ɉulɔnu kaa, Yai-Laa yɛ mą́ą́: «'Naa hee a: Mahɛrə-Salalə-Hasə-Bazə;

Zɛnɛse 33:5

Yili pulu, Esau yɛ Ɉakɔbə ɓa: «Gbɛɛ nuą ɓə ə́ pului?» Ɉakɔbə yɛ mą: «Nu kan mɛ̨inɛ̨ɛ̨i Yálá ə gɛ, ə́ wɔ tímun ma, diɛ ka.»

Dutɛrɔnome 28:46

Yili mąą mɛ̨nįɠaa da həli kaa, ə kɛ a kpalo mɛ̨nį da kɔ́lɔn ɉɛn kaa, da ka huwuhu nuą a yələ kəlee mɛ̨nį.

Azaya 20:3

Yai-Laa yɛ diɛ: «Nwɔ́ tí mun Esai aa kwɛlan ɉaaɓa kɛ, ə ɓo a gbuwulu, kɔ́lɔ hvo gɔwɔ ŋą; mɛ̨nįi pai laai Eziptə da Nubi diɛ, gɔlɔn ɉɛn ga tii.

Ɉeremi 44:29

Ɲą́ą́ Yai-Laa nwóó ka, ɉɛn ka káá pai gɔlɔn ɉii la, kaa gáá pai mɛ̨nį laai káá, nwóó tii ŋą́ mo bɔ mɛ̨nį kaa kɛi, ya ka:

Izikiɛ 4:3

'Kwɛli ɓɛla həɠə; 'dɔɔ yɛ kwɛli pɛlɛ́ nwąną ka daa ka lɔwai, 'tinɛ̨n ə́ ə́ ɲɛ̨i hee daa ɓa hįį; a kɛ a taa yii daa kɔ́ hee mą; mąąhɔlɔɓo, yáá kɔ́ hee mą. Israɛlə nwɔ pɛlɛ́i mąą hanwɔ̨n ga ti.

Izikiɛ 12:6

Ə́ kaa pai di laai ə́ nwuɔ̨ di ɲɛ̨i ɓa, yɛ́ di kulɔ kpinįi, ə́ kaa pai həɠə yɛɛi a ə́ nwun, ə gɛ hvo pa nɔi kaa. Mąąhɔlɔɓo, gáá ə́ kɛi a hanwon Israɛlə nwɔ pɛlɛ́i mąą mɛ̨nį ɓa.»

Mąątɛ̨nɛ̨ 9:12

'Ka gu wələ too, Yai-Laa ɓa, yai heeni Siɔn daai, 'ka gɛ mɛ̨nį kpɛa-kpɛaa hu kulɔ, lɔiɠaa diɛ.

Lukə 2:18

Nuą kpɔ mɛlaa pulu nuą di wɔ woo hukulɔ woo mɛ̨n, di kwəi ə pili diɛ.