Azaya 8:14 - Yálá laawoo hɛɓɛ (dc)

¹⁴ Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Yálá laawoo hɛɓɛ

¹⁴ Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Bible

¹⁴ Ŋámaa wâa-laai su kɛ̂tɛi. Ŋ́gaa yɛ̂ɛ kɔni nyíi nûa da kâreŋ la díkɛ tooi. Ŋ́gaa yɛ̂ɛ ƃáre Zuda da Zerusâlɛŋ-ƃelai mɛ̂ni ma.

Azaya 8:14 Referans Kwoze

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Izikiɛ 11:16

Nwooi ŋɛ̨i ɓo diɛ, ɲą́ą́ Yai-laa Yálá nwóó ka: ‹Ə mą kɛ, ŋą́ą́ tɛɛ kwɛaa la, ɛlɛɛ ŋą́ di taɠa-taɠa nuą lɔwai, ŋą́ kɛ laa di pɔ woloɓo yɛ kɛɛnąą mąąhəɠɛɛ.›

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Mąątɛ̨nɛ̨ 69:22

Daa pilimąą pu gɔ̨́nɔ̨n ɉu, kpələ wɛli a kɛ mą́ą́, lɔɔ kpɔną ɓə da dɔɔ ná.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Maafîu 13:57

Di wɔ kiliŋąhiɛɠaa kɛ pələi tii ɓə gɛ, di hvo laa la na. Jesus ə mo diɛ yɛ diɛ: «Yálá kwəi mɛ̨nį hukulɔ mun, mąą hvo wiɛ li bɔ lɔi, ə mą kɛ ɲəi bɛlɛ́n.»

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Lomaŋ 11:35

A wala kɛti, gbɛɛ ɓə gbɛa hɛn da tɛɛ bɔ, yai a pənə yɛ gwələ kulɔ mą?»

Lukə 21:35

Mąąhɔlɔɓo, gaa pai pui yɛnɛ̨ɛ̨ nuą kəlee mɛ̨i yɛ pələi da diŋɛ̨n bili la yai.

Azaya 4:6

A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą.

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Azaya 7:16

Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Azaya 59:10

Kuɔ hiɛ ɓɛ ɓɛ, yɛ ɲɛ̨i punuą, da həli pɛlɛ nwąną ɓa, kuɔ ku kɔ́wɔ kpəŋə, tɛ tɛ, yɛ nuąi di ɲɛ̨i hvo diɛ, Hvóló ɲą ɉə ɉə, kuɔ ku kɔ́wɔ tuwo, yɛ nuą da kɛ kpinįi, ku mą kɛ kɔ́lɔi pɔ̨nɔ̨ hu, gaa yɛ kwa kɛ a haa nuą.

Ɉeremi 6:21

Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Zasua 10:7

Ɉosue da gɔ́ kɔ́ nuą di həɠə Gilgalə da gɔ́kulááɠaa kəlee.