Azaya 7:3 - Yálá laawoo hɛɓɛ (dc)

³ Yai-Laa yɛ Esai ɓa: «Yɛ́ ka ə́ lon Searə-Yasuvə, ka li ka həli Akazə ɓa bowa ya kɛnɛ̨ kwɛlɛ, ɲánwuɔ̨ pələ, ɉəɠə waa yɛɛ kɔwɔi pələi pɔ pələ,

Yálá laawoo hɛɓɛ

³ Yai-Laa yɛ Esai ɓa: «Yɛ́ ka ə́ lon Searə-Yasuvə, ka li ka həli Akazə ɓa bowa ya kɛnɛ̨ kwɛlɛ, ɲánwuɔ̨ pələ, ɉəɠə waa yɛɛ kɔwɔi pələi pɔ pələ,

Bible

³ Nya ƃe Yâwɛɛ è m̀o Azaya ma ǹyɛɛi, “Ka íloŋ-surɔŋ Sɛɛ Zasu ka lí Gâloŋ Eeɣa pɔ́ naa ka dîa-ni ká koyâŋ. Ka pâi gâai berei ma ƃɛ́i ǹûai da seɣe wâa naai. Ǹaa káa ǹya-ɣɛ̂lii kwára nyíi a kûla bóai su ǹyéei ŋûa-perei.

Azaya 7:3 Referans Kwoze

Azaya 36:2

Asiri tɔɔmun, ə lɛɛ Lakisə, ə nwɔ kɔ́kuláái gɛnɛ̨mun dɔɔ, tɔɔmun Ezekiasə pɔɔli Ɉerusalɛmə, da kɔlaɠa kpulu kɛnɛ̨. Ə pa, ə tɔɔ ɲá nwuɔ̨ pələ ya haɠai, ɉəɠə waa pələ kwɛlɛ.

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Lomaŋ 9:27

Esai nwɛi, ə mo yɛ: «Israɛlə lonnii di mąn tamąą yɛ gboloyá hu ɲɛa kɔw, da wolo lɔ ɓə pai ɓaloi.»

Azaya 6:13

Da nɔi lonnii ɓɛlaɓo ɉu pow, bow nąąi pai kulɔi ɉu, yaa kpɛli a lɛɛ a nwɔ̨n gɔ̨nɔ̨n, yɛ bələi da kpitili da ɓahi di pɔn na, nwungbə lɔ ɓə a lɛɛ, nwungbəi tii, hɛn ɉuwu mąąhəɠɛɛ li.

Ɉeremi 22:1

Yai-Laa yɛ Ɉeremi ɓa: «'Yɛɛ Ɉuda tɔɔmun ɲəi bɛlɛ́n, ə́ nwoo ŋɛ̨i ɓo laa.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 10:21

Nu kpulu wolo kaa pai pənəi ə pa, Ɉakɔbə nwɔ nu kpəlii pai lɛɛi, da pənə di pa Huwal-awla Yálá pɔ.

Tɔɔɓɛlaa veelɛ 20:20

Ezekiasə kɛ mɛ̨nįɠaa gbəli, nwɔ mɛ̨nį hee kpəlin na kɛ pələ, nwɔ mɛ̨nįɠaa kɛ pələ, nwɔ ya kpaaləi ə nąą, ɲa pɛlɛ́ tɔɔ mɛ̨nį daai, gəlee di hvo mɔ̨ɔ̨ pɛɛ li Ɉuda tɔɔɓɛlaa kɛ mɛ̨nį hɛɓɛ́ hu?

Lɛɛ gbɔwɔ ɓa 7:15

'Humo tinąą, ə́ li ɲalee kwɛlɛ ə́ tɔɔmun mąąkpɔn naa. Dunwɔ̨n ŋɛ̨i kɛ ə́ yəi yɛ mąą pənə a kaalə, 'ɉon ə́ yee pɔ.

Nehemi 3:16

Yili pulu, Azbukə lon Nehemia, yai kɛ a Bɛtə-Surə kwəli bələ tɔ̨nɔ̨ nwun nąmu ya ɓə nąą tɔɔ, ə həɠə Davidə nwɔ kámąɠaai tənən ma, ə həli la bowa yai ŋɛ̨i di naa kulɔ mą, ə lɛɛ ɉu ə həli gulááɠaa di wɔ pɛ́lɛ́i ɓa.

Tɔɔɓɛlaa veelɛ 16:1

Remaliahu lon Peka nwɔ tɔɔlaa gwɛlan bow gɔw mɛ̨ihveelɛ lɔwai, Yotamə lon Akazə ə tɔɔlaa hɔlɔɓo Ɉuda lɔi hu.

Azaya 22:10

Kaa Ɉerusalɛmə pɛlɛ́ɠaa lonon, kaa pɛlɛ́ɠaa pu, kaa daa mąąkpɛ hįį huwiɛ a bɔlɔ kɔ́w.

Azaya 22:11

Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.