Azaya 7:20 - Yálá laawoo hɛɓɛ (dc)

²⁰ Mąą yələ, Ną́mu kaa pai Asiri tɔɔmun ɉu hvɛli ɲa pulu pələ da nwɔɔ kpəŋąi, ə nuą nwun bu, ə di kpɛlɛ pu, ə mą kɛ, di ləɠa.

Yálá laawoo hɛɓɛ

²⁰ Mąą yələ, Ną́mu kaa pai Asiri tɔɔmun ɉu hvɛli ɲa pulu pələ da nwɔɔ kpəŋąi, ə nuą nwun bu, ə di kpɛlɛ pu, ə mą kɛ, di ləɠa.

Bible

²⁰ “Maa ɣêlei tí a sèri, Ǹuu-namui a pâi ŋuŋ-ƃô kɛ́-nuu siɣêi Yufeletii Ya-leei pôlu nyii pâi kɛ̂i a Asiria kaloŋ a gɛɛ é ká ŋuŋ kpɛ́ɛ gayoŋ ma, é kákɔlɔ-lêɣa kálaŋ kákpono ma, é ká lá-leɣa pú.

Azaya 7:20 Referans Kwoze

Azaya 8:7

Yili mąą mɛ̨nį ɓa, Yai-Laa kaa pai yalee hvaŋą kɛnɛ̨ hvɛɛi ə dɛ diɛ. Ya ɓaa a: Asiri tɔɔmun da mąą ɲinɛ̨n gɛnɛ̨ɛ̨, gaa pai hvɛɛi, ə həɠə naai yɛ hiɛ kɛɛnąą kəlee ɓa.

Izikiɛ 29:18

«Hulɔnu lon, Babilonə tɔɔmun Nabukodonosorə aa naa tɛ kóló kɛnɛ̨ mu; a kɔ́ pɛlɛi ə mo Tirə ɓa: nu kəlee nwun galaanŋąąi, di ɓonwon gəlee hu ɓɛlaa; kɛlaa hvo vɛla hɔlɔɓo li Tirə, ə mą kɛ ŋą kɔ́kulááɠaai hvɛla; gɔ́ kɛnɛ̨i ti di gɔ́ da Tirə taa, ə kɛ kpɔlɔ mąa kpɛli.

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Izikiɛ 29:20

Golói ti ə gɛ, gáá Eziptə tɛɛi bɔ; mąąhɔlɔɓo yaa da nwɔ kɔ́kulááɠaa, ŋą́ kóló ɓə di gɛ. Mɛ̨nį kəlee ŋą Hééɓomun Yálá woo li.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Ɉeremi 2:18

Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Azaya 36:1

Ezekiasə nwɔ tɔɔlaa gwɛlan bow nąąn nąą, Asiri tɔɔmun Senakeribə ə kɔ́ pɛlɛ Ɉuda taa kpɛa-kpɛaa kəlee diɛ, ə gəlee hon.