Azaya 7:16 - Yálá laawoo hɛɓɛ (dc)

¹⁶ Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Yálá laawoo hɛɓɛ

¹⁶ Gɛɛ nokoloi tii hvo pɛli lənəi mɛ̨nį ɲɔ̨n ma, yɛ nɛlɛɛ kɛ, dɔɔɓɛlaa hveelɛi ŋɛ̨i ə́ kaa ɲɔwii diɛ, di wɔ lɔi a kɛ kɛa a gboloon.

Bible

¹⁶ É lɛ́ɛ pâi kɛ̂i a núu gbîŋ mɛni ma, Eezuɛ da Asiria kaloŋ feerɛi ŋí ka yaôi dîai, da fé pâi kɛ̂i ɣele ma. Núu tɔnɔ kpîŋ fé pâi lɛɛ̂i ǹɔii-ŋai da mà da dímɛi a kâloŋ-ŋai.

Azaya 7:16 Referans Kwoze

Azaya 8:4

mąąhɔlɔɓo, gɛɛ nolokolo hvo pɛli kɛi diɛ ‹ną́n› da ‹néé›, di kaa pai lii Asiri tɔɔmun níi la a Damasə hɛn gɔwɠaa da ɉɛnŋąąi di ɉɔlɔɓo kɔ́ hu Samari lɔi hu.»

Dutɛrɔnome 1:39

Ɛlɛɛ, ka lonnii ŋɛ̨i ka kɛi di mąą mɛ̨nį ɓo, kaa kɛ diɛ: Di kaa pai lɛɛi a kɔluwɔɠaa, ka lonnii tii di hvo ni mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɔ́lɔn, diɛ ɓə pai lɔi laa. Diɛ ɓə gáá pai nɔi tɛɛi di pɔ, diɛ ɓə pai heei nɔi tii hu.

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Osia 5:9

Ɛfraimə kaa pai kɛi a lɔi pun, a ɉu tɔɔ yələ. Gáá gbɛa yili hu kulɔi Israɛlə pɛlɛ́ɠaa diɛ, yili hva ɉəɠə mą.

Azaya 9:11

Aramə nuą daa di muhəɠə diɛi voló həɠəi pələ, Filisti nuą daa di muhəɠə diɛi voló tooi pələ, daa Israɛlə ɲąą wolo a di ɲin. Kɛlaa ə mą kɛ tii, Yai-Laa nwɔ liiɲąnwąną hvo kpəla li bələi, ɲee haŋąą ni di pɔ, yɛ haŋą diɛ.

Tɔɔɓɛlaa veelɛ 16:9

Asiri tɔɔmun ə ɲee hee Akazə woo mu. Ə pa yaa kpinįi ə kɔ́ pɛlɛ Damasə taa ɓa, ə ɉon; ə ɉu nuą tɛɛ Kirə, ə Resin paa.

Azaya 8:14

Gaa a pɛlɛ mąąhəɠɛɛ Kɛlaa gaa a kwɛnii da kalin mą; gaa a nuą kɔ́wɔ tuwɔ kwɛni kpuɠulu Israsrɛlə nwɔ pɛ́lɛ́i, da Ɉuda nwɔ pɛ́lɛ́i diɛ, ə ɓo a tumɔ̨ da ɓaalə Ɉerusalɛmə nuą diɛ.

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Osia 5:3

Nwɛ́i, ŋį́ Ɛfraimə kɔ́lɔn, ɛlɛɛ Israɛlə hvo loo li mą́ą́. Yɛ́i a Ɛfraimə, ə́ yee tooi ə́ mo wɛli mɛ̨nį hui, Israɛlə mąą ə luwu ɉu.