Azaya 61:4 - Yálá laawoo hɛɓɛ (dc)

⁴ Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Yálá laawoo hɛɓɛ

⁴ Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Bible

⁴ Da pâi daa-lêe-ŋai nyii dípuɔɔ su a kôyaai, tɔɔ̂i pôlu ŋɔ́nɔ.

Azaya 61:4 Referans Kwoze

Azaya 58:12

Ə́ haalai, di kaa pai pənəi diɛ taa kpoloonŋaa tɔɔ, pɛlɛ́ɠaai daa di hvilɛn ɉu aa kwɛa, yɛ́ ɓə pai di tɔɔi, di kaa pai ə́ laa heei a: «Hį́i kpoloon dɔɔmun, a nui a kwəli mu həɠə, nuą diɛ hee laa.»

Mąątɛ̨nɛ̨ 46:8

Yai-Laa Mɛ̨nį Kəlee ŋą Hééɓomun gaa ku pɔ, ku mąąkpɛ taai gaa ku yəi, ya ɓaa Ɉakɔbə nwɔ Yálái.

Mąątɛ̨nɛ̨ 74:3

Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Zakari 1:17

'Mɛ̨nįi ɲɛ̨i noloɓo, yɛ́ diɛ: Yai-Laa Mɛ̨nį Kəlee ŋą Hééɓomun, woo ka: Nwɔ́ taaɠaai kaa pai kɛi nwunnąnɛ̨ɛ̨ hu. Yai-Laa kaa pai pənəi ə Siɔn liilaa; Ə pənə nwɔ̨nɔ̨, ə Ɉerusalɛmə kɛ a nwɔ taa.»

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Mise 7:11

Ɲələi di kaa pai pənəi diɛ ə́ mąąkpɛ hįįɠaa tɔɔ la, mąą yələ, da ə́ wɔ lɔi ɲɛ̨n gulɔ bulu.