Azaya 61:11 - Yálá laawoo hɛɓɛ (dc)

¹¹ A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Yálá laawoo hɛɓɛ

¹¹ A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Bible

¹¹ Berei kpɔ́ nɔ́ da sí-sɛŋ sì la, é sóo é ƃɔlɔi, Ŋ̀wála-wâla kélee Yâwɛɛi a pâi ŋɔnûai ƃâloi. À kɛ̀ tí, ǹɔii-ŋûŋ-ŋai su ƃelai kélee da pâi ǹaa maa tɛ̂i.

Azaya 61:11 Referans Kwoze

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Azaya 62:7

'Ka hvo həɠə bulu, yaa kpɛlimąn, hvo kɛli a Ɉerusalɛmə pu nįnɛ̨ kɔ́lɔi. Hvo kɛli ə dɔɔ a mąątɛnɛ̨ wələ lɔi mɛ̨i.»

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Mąątɛ̨nɛ̨ 85:11

Kulɔ nwooɓalaa da tɛ̨ą daa di kee kaa, diɛ liilaa da tələnmolaa di nɛ̨nɛ̨ɓo.

Maafîu 13:23

Nu taɠaa diɛn, da di yee hee nwoo tii mu yɛ pələi nɔi lɛlɛɛ tii kaa la; di gbaɠala kaa di kanąn ma, ə lɛɛ la ɉu, ə kɛnɛ̨, ə ɓa a damąą. Gbaɠa taɠaa kɔ́w ə ɓo ŋą nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Maafîu 13:3

Jesus ə mɛ̨nį tamąą ɓo diɛ hanwon ɉu. Ə hanwon Ɉɔɔ diɛ, yɛ diɛ: «Mɔ̨nun ɉuwu pili mun da ə kɛ laa.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Mąątɛ̨nɛ̨ 72:16

Nɔi ə lɛlɛ, tíi ə kɛ nąą kəlee gbɛlai hvo kɛ mą, mɔ̨nun gbala yɛ yee tɛ yɛ dumon, yɛ Liban yee; nu kan ɲąą ə nɛ̨ɛ̨ daa kwəi, yɛ kala tiliin.

Mąątɛ̨nɛ̨ 72:3

Tələnmolaa haalai, yee kpɛa kpɛaa da yee kpu kpuɠaa, di pa a nwunnąnɛ̨ɛ̨, nɔi lonnii pɔ.

Maafîu 13:8

Daɠaa di too lɔi lɛlɛɛ hu, di ɓɔn, di mɔ̨n. Gbaɠa taɠaa kɔ́w yɛ ɓo ŋą: nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Zɛnɛse 1:11

Yálá yɛ nwɔ̨nɔ̨ diɛ: «Gɛ́ lɔi ə kala ɓɔnŋaa kulɔ, da wuluɠaa, gəlee da nwɔɔ ɓa, gɔw yɛ ɓo ɉu a ɉuwu, ɛlɛɛ, da hihɛnŋąąi, gəlee da ɉuwu!» Yili ə kɛ tii.

Azaya 62:2

Hįį kəlee kaa pai ə́ wɔ tələnmo mɛ̨nį kaa, tɔɔɓɛlaa kəlee diɛ ə́ wɔ mąąwiɛ kaa. Di kaa pai laa ninɛ̨ heei yɛ́, yai pai kulɔi Yai-Laa lá.