Azaya 60:5 - Yálá laawoo hɛɓɛ (dc)

⁵ Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Yálá laawoo hɛɓɛ

⁵ Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Bible

⁵ Ya pâi ǹaa kâai íkoi-nɛ̃̂ɛ kula. Ya pâi kpɛ̃lînii yɛ̂ɛ mɛni a kùla a núu. Da pâi pâi a ǹɔii-ŋuŋ ŋai su tɔɔ-sãai ípɔ. Da pâi kulâi a tɔɔ-sã̂a ǹyái pôlu pere dí pá a dia ípɔ.

Azaya 60:5 Referans Kwoze

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Gɛlaɠaa 11:17

Akɛ mɛ̨inɛ̨ɛ̨i Yálá ə gɛ guɔ, ɓɛlɔwai gu laa la Ną́mu Jesus la, ə yili ɲɔ̨nwɔ̨mąn gɛ diɛ kpɛli diɛ. A kɛ ti, gbɛɛ ɓaa ɲą́ą́ yai, ŋą́ li kpɛ̨ąn ɉii Yálá kɛ mɛ̨nį tɔwɔ?»

Gɛlaɠaa 10:45

Laa na nuąi kɛ a Ɉuifəɠaa, diɛi lɛɛ Piɛrə pɔ diɛ pai, di kwəi ə pili diɛ, mąąhɔlɔɓo, Kili-Mąąhəɠɛɛ yəi mɛ̨inɛ̨ɛ̨ aa kɛ tɛɛ, ə mą kɛ, huwu takpɛliɠaa pɔ.

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Gɛlaɠaa 24:17

«Gwɛlan damąą kulaa ɉu, ŋą pənə ŋį́ pa nwɔ́ nuąi pɔ a mɛ̨inɛ̨ɛ̨ wali da Yálá kɔ wali.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Azaya 60:11

Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Azaya 54:2

Ə́ wɔ pɛlɛ́i hvilɛn a mu kɛnɛ̨, gbaɉaɠa ɲąąkɛnɛ̨, hvo da kɛ a hviikpɛɛ, bɛlɛ lɔnwɔɠaa kɛ a di huwala walaa,

Mąątɛ̨nɛ̨ 34:5

Ŋą́ tínɛ̨n Yai-Laa pɔ pələ, ə nwóó mu hon; ə gúlɔ mą́ą́ɲɔw mɛ̨nįɠaa kəlee hu.

M̀ɛni-lɛɛi 21:26

Di kaa pai kɛi pai laa a: hįi lɔi kəlee di wɔɔ mąąwiɛlaa, da di wɔɔ ɓɛlɛlaa kəlee.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.

Dutɛrɔnome 33:19

Di kaa pai di kaayɔwɔɠaa təlii ɲee ɓa, diɛ haláá kulɔ laa yɛ bələi mąą nɛɛi la. Mąąhɔlɔɓo, da gboloyá ŋą hɛn gɔwɠaa hɔlɔɓo, di gboloyá mu hɛn gɔwɠaa hɔlɔɓo.»

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.