Azaya 60:11 - Yálá laawoo hɛɓɛ (dc)

¹¹ Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Yálá laawoo hɛɓɛ

¹¹ Ə́ wɔ kponŋaai laa kaa pai kɛi a moɔ a yələ kəlee, di hva di laa kpulu, ə kɛ a hvóló ə kɛ a kpinį, nuą diɛ pɛli pai ə́ pɔ a hįį lɔi takpɛliɠaa hu hɛngɔwɠaa, di wɔ tɔɔɓɛlaa ɓə pai kɛi pai a ɉɛnŋąąi tii, di ɓo yɛli ɓa.

Bible

¹¹ Kásiɣãŋ lá a pâi kɛ̂i nɔ́ a m̀óɔɔ a kpíni da fólo, a gɛɛ ǹɔii-ŋûŋ-ŋai su kaloŋ-ŋai díkɛ pà a dítɔɔ-sãai ípɔ.

Azaya 60:11 Referans Kwoze

Azaya 60:5

Yá pa yili nąą kaai, ə́ kaa pai kɛi kwəinɛ̨ɛ̨ hu, ə́ lii yɛ too ə́ kwəi pin, pin, yɛ kɛ ə ɓɛla a kwəinɛ̨ɛ̨. Mąąhɔlɔɓoɔ, di kaa pai pai a gboloyá hu hɛngɔwɠaa kəlee ə́ pɔ pələ, hįį lɔi takpɛliɠaa hu hɛngɔwɠaa diɛ həli yɛ́.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Mąątɛ̨nɛ̨ 149:8

Diɛ tɔɔɓɛlaa pu yɛli ɓa, diɛ di wɔ kulááɠaa kpulɔn a yɔwɔn.

Nehemi 13:19

Túwɔ́ lɔwɔ mąą yii yələ wulii pɔ, gɛɛ hvitili hvo pu, gɛi di hvo Ɉerusalɛmə hį́i laa kpulu, di hvo naa ɓo, hvo kɛ li túwɔ́ lɔwɔ a kpɛɛ. Ŋą́ nwɔ́ koló kɛ nuą taɠaa tɔɔ ɉį́i la, ə gɛ, túwɔ́ lɔwɔ a ɉəli, nu ta hvo lɔ a tiɛ̨.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.