Azaya 6:2 - Yálá laawoo hɛɓɛ (dc)

² Malaka kpɛa-kpɛa hveelɛ di kɛ tɔɔni gbəlin nwun mɛ̨i, di tɛi tɛi, di koon ə kɛ diɛ mɛ̨ida mɛ̨ida. Diɛ di ɲɛ̨ilai gbulu a veelɛ, diɛ di kɔ́wɔ mɛ̨i kpulu a veelɛ, diɛ kɛa koon a veelɛ.

Yálá laawoo hɛɓɛ

² Malaka kpɛa-kpɛa hveelɛ di kɛ tɔɔni gbəlin nwun mɛ̨i, di tɛi tɛi, di koon ə kɛ diɛ mɛ̨ida mɛ̨ida. Diɛ di ɲɛ̨ilai gbulu a veelɛ, diɛ di kɔ́wɔ mɛ̨i kpulu a veelɛ, diɛ kɛa koon a veelɛ.

Bible

² Ɣâla-taa kooŋ-sãa díkɛ̀ ŋ̀uŋ mɛi-pere. Dɔnɔ koôŋ è kɛ̀ ma lɔ́ɔlu mɛi da. Díkoôŋ lɔ́ɔlu mɛi dai ŋí, dí díŋɛi mɛi pɛ̂lɛ a veerɛ-feerɛ. Dí díkpono mɛi pɛ̂lɛ a veerɛ-feerɛ, díkɛ kòoŋ a veerɛ-feerɛ gbeli-ŋai a tɛɛ-ŋa.

Azaya 6:2 Referans Kwoze

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

Izikiɛ 1:11

Di ɲɛ̨ilai gɛ pələ ka tii kɛ. Di koonŋaa di wɛi, veelɛ tɛɛi kɛ di mɛ̨i, diɛ di kee kaa. Ɛlɛɛ, veelɛ yɛ di kɔ́lɔ mąą kpulu.

Mąątɛ̨nɛ̨ 104:4

Yɛ hvaŋąɠaa kɛ a nwɔ tí nuą, nwɔ̨n nənŋaa di ɓo a nwɔ kɛlaɠaa.

Mąątɛ̨nɛ̨ 103:20

Kaai a nwɔ malakaɠaa, 'Ka Yai-Laa laa mąąwiɛ, kaai a nwɔ kuláá kpɛa kpɛaɠaai, 'ka nwoo pɔ mɛ̨nį kɛ, 'ka nwoo mɛ̨n nɔ, 'ka nɛɛ mą ka bɔ mɛ̨nį kɛ.

Azaya 6:6

Malakaɠaai tii tɔ̨nɔ̨ ə koon, yɛ pa bɔ́ pələ, nwɔ̨n dəŋą ə ɓo ɲee ŋą, aa ɉəɠə a gbeą ɉaláá kulɔi,

Mąątɛ̨nɛ̨ 18:10

Yai-Laa ə yələkɔlɔn da wolo kpinįn gɛ, ə tɛɛ laa, ə hvilɛn tulɔ kpinįn gɛnɛ̨ɛ̨ yɛ ɓo gɔwɔ mu.

Tɔɔɓɛlaa dɔlɔɔ 6:24

Dɔ̨nɔ̨ koon veelɛi hu hvólóon ŋąą, ə kɛ a yee laa mą pow. Malaka hveelɛi tii goonŋąą pɛliɛ kɛ a gee.

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Izikiɛ 10:21

Mąąkpɛ malaka nąąn ə tɛɛ, di ɲɛ̨ilai ə ɓo nąąn; di koon ə ɓo nąąn, di koonŋąą mu pələ, nu yee kulɔ mąą ə kɛ laa.

Izikiɛ 1:24

Ɛlɛɛ, da kɛi hiɛ, di koonŋaa tin ə kɛi kulɔ, gɛ́ mɛ̨n; gulaa kɛ ya hvɛɛ tin ma. Ə ɓo yɛ Yai ɲee a pɛli mɛ̨nį kəlee ɓa nwoo, yɛ nu kpulu tin; ə ɓo yɛ kɔlaɠa kɔ́wɔ mu tin. Da tɔɔ kɛ, di kɛi di koonŋaa pɛlɛ ma.

Izikiɛ 1:9

Di koonŋaa di kɛi di keeni kaa, da kɛi hiɛ di kɛi di pulu tinɛ̨n; kɛlaa nu kəlee ɲɛ̨i haŋąą kɛ dɔwɔ pələ.

Izikiɛ 1:6

di tɛitɛi di ɲɛ̨ilai ə kɛ nąąn, ɛlɛɛ, di tɛitɛi di koon ə ɓo diɛ nąąn.

Zôo 15:15

Yálá hvo kpɛli laa li nwɔ malaka mąąhəɠɛɛɠaa la tɛ̨ɛ̨ tɛ̨ɛ̨, Ə mą kɛ yələkɔlɔn mə, hvo haŋą li ɲɛ̨i mu.

Zôo 1:6

Yələ ta, malakaɠaa di kɛi li Yai-Laa lííla, ɓilihi yaa kpɛli ə lɛɛ di lɔwai, di pa.

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Tɔɔɓɛlaa dɔlɔɔ 8:7

Mąąhɔlɔɓo, malakaɠaa koon ɉaŋąą kɛ ɓɛi mįnɛ̨ kəhi ə kɛ laa, diɛ mɛ̨i kpulu; ə mą kɛ da gwɛlɛ hɛnŋąą.

Tɔɔɓɛlaa dɔlɔɔ 6:27

Salomɔn ə mąąkpɛ malaka hveelɛ tii tɔɔ bɛlɛ́ hąąi. Mąąkpɛ malaka hveelɛi tii koon ɉu haŋąą kɛ, di tɔɔ di kee tənən ma, di koon yɛ gee kaa bɛlɛ́ hąąi, gəlee hveelɛi nwɔ tɛitɛi yɛ hee bɛlɛ́ ɓa, ɓɛ pələ da ɓɛ pələ.

Lɛɛ gbɔwɔ ɓa 37:9

Di ɲɛ̨i heɛ gəhi laa kalan mɛ̨i di koon yɛ mɛ̨i kpulu.

Lɛɛ gbɔwɔ ɓa 25:20

Malakaɠaa koon ə kɛ a ɉaŋąą dɔɔ di mɛ̨i, diɛ di koonŋąą pɛlɛ gəhi laa kalan mɛ̨i; da kɛ a di tɔɔ di kee tənən ma, di ɲɛ̨i heɛ gəhi laa kalan mɛ̨i.

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Zôo 4:18

Yálá hvo laa li nwɔ tínuąi la, akɛ, a kɛ hɔn gaai nwɔ malakaɠaai diɛ.

Tɔɔɓɛlaa dɔlɔɔ 19:13

yii lɔ Eli ə vaŋą hvɛlɛ tɛ-tɛi tii tɛɛ mɛ̨nį kili kɔ́lɔn, ə nwɔ biliɉui pɛlɛ ɲɛ̨i, ə kulɔ ə tɔɔ gwɛni wolo laaləi. Woo ta ə həli Eli ɓa, yɛ mą: «Eli, lə ɓə ə́ kaa gɛi ɓɛ?»

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Hebreu 1:7

Yii ɓaa malakaɠaa di wɛi, nwoo ka, yɛ mą: «Yaa ɓə a ŋą malakaɠaa kɛ a hvaŋą, ə ŋą kɛlaɠaai kɛ a nwɔ̨n nən.»

Lukə 1:10

Ɓɛlɔwai ə kɛi lansan tii kələn na bɛlɛ́n, nuą kəlee di kɛ ɲɛnɛ̨ɛ̨ diɛ Yálá hvɛli.

Zakari 3:4

Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Izikiɛ 10:16

Mąąkpɛ malakaɠaa da kɛi hiɛ, nwotolo kɔ́wɔɠaa di kɛi hiɛ di kwɛlɛ; mąąkpɛ malakaɠaa da kɛi di koonŋaa laaɓo diɛ tɛ yələi pələ, nwotolo kɔ́wɔɠaa di hvo kɛi lɛɛ pulu; kɛlaa di kɛi lɔ lɛɛ di kwɛlɛ.

Izikiɛ 1:4

Ɲɛ̨́i ə lɛɛ laa, tulɔ hvaŋą ə kɛi həɠə ɲánwuɔ̨ pələ, tulɔ kpinįn ɉu wiaa da nwɔ̨n gɛnɛ̨, ɛlɛɛ, gwɛ́lɛ́ kəlee pɔ̨nɔ̨ɔ̨ kɛ a nwɔ̨n nə́n; ɛlɛɛ, nwɔ̨n tii hąą ə kɛ yɛ nwɔ̨n gbaalən gbɔluɔ tamąą da kɛi kulɔ nwɔ̨n tii hu.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.