Azaya 6:12 - Yálá laawoo hɛɓɛ (dc)

¹² Yai-Laa kaa pai nuą tɛɛi kwɛala, nɔi hu yɛɛ kɔwɔɠaa diɛ lɛɛ di kpɔɔ ɓa.

Yálá laawoo hɛɓɛ

¹² Yai-Laa kaa pai nuą tɛɛi kwɛala, nɔi hu yɛɛ kɔwɔɠaa diɛ lɛɛ di kpɔɔ ɓa.

Bible

¹² Ŋa pâi naa-ƃela kélee kulâi naa, ŋá dítɛɛ lɔii su kôyaa su, naa é lɛ́ɛ a lɔii pûŋ.

Azaya 6:12 Referans Kwoze

Ɉeremi 4:29

Daa lee hu nuą da pa: ɉooɠaa da gilɛn bili nuą tin mɛ̨n ɉii, di kəlee di kaa pai tɛɛi a gilɛ; diɛ lɔ gbomoɠaa hu; diɛ tɛ kwɛniɠaa ɓa; nuą daa kulɔ daa kəlee hu, nui lɔpee ta hvo lɛɛ li daai.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Woolaa 5:20

Lə mɛ̨ni ɓa ku kili a kpɛɛ ə́ ɲą kpɔ tii a ɉukwɛaa-o! Ɛlɛɛ, yɛ́ lənə la kuɔ a yələ kəlee?

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 12:7

Gáá gíli kulɔi nwɔ́ pɛlɛ́i hu, ŋį́ ɲéé kulɔ gwɛ́lin nɔi hu, ɉɛn kɛ a nííɓa hɛn, ŋą́ą́ ɲéé kulɔ ɉu, aa lɛɛ ɲówóɠaa yee kɔ́nma.

Azaya 26:15

Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Tɔɔɓɛlaa veelɛ 25:21

Babilonə tɔɔmun ə nuą tii kəlee paa kpɔ kpai Rivla daai Hamatə lɔi hu. Bələ ɓə di Ɉuda nɔi nuą hon na a luwɔ, di di mąą kwɛa di pɔ lɔi ɓa.

Tɔɔɓɛlaa veelɛ 25:11

Yili pulu, Nebuzaradan, tɔɔmun mąąkpɛ kɔ́kulááɠaa nwun nąmu, ə nɔi lonnii kpəli tii lɛɛ daa kwəi, ə li a diɛ luwɔlaa hu da bulu kulɔ nuą tii di kpɔwɔ tɛɛ Babilonə tɔɔmun bɔ, da nɔi nuą gbəli.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Azaya 5:9

Ŋą́ Yai-Laa Mɛ̨nį Kəlee ŋą Hééɓomun kwɛla woo mɛ̨n, yɛ kɛ diɛ: «Pɛlɛ tamąą, di kpɛa-kpɛa di lɛlɛɛ, di kaa pai lɛɛi a di howolo; mu nuą di hva kɛ mą.

Azaya 13:12

Gáá pai nuą lɛɛi tɛi tɛi, a nɛ̨ɛ̨ mąn hɛni laa tooɔi, a nɛ̨ɛ̨ mąn Ofirə hɛni tamąąi.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Sofoni 1:3

Nu kanŋaa da huwɔɠaa, yələi nwɛ̨niɠaa da gboloyá hu hɔwɔleeɠaa, gáá pai nwąnąlɔɔ nuą nwun napilii, da di yee pɔɔɠaai kpɔ da nuą həɠə pələ ɓa. Gáá nu kanŋaa kpɛɛi lɔi mɛ̨i. Yai-Laa woo li!»