Azaya 6:1 - Yálá laawoo hɛɓɛ (dc)

¹ Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Yálá laawoo hɛɓɛ

¹ Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Bible

¹ Góraŋ Gâloŋ Uzia è sàa lai, ŋá Ǹuu-namui kâa seê-ni ŋɔkâloŋ see-sɛŋ ŋá ɣelêi-pere póŋ-poŋ. Ŋɔkâloŋ seɣei è Ŋɔpɛ́rɛ Kɛ́tɛi lá fɛ̀ɛ.

Azaya 6:1 Referans Kwoze

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.

Mąątɛ̨nɛ̨ 113:5

Gbɛɛ ɓə yɛ Yai-Laa, ku wɔ Yálái? A yai gaa hɛn gəlee nwu mɛ̨i kpɔ ləɠə ləɠə?

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Mąątɛ̨nɛ̨ 108:5

Gbalai tɔɔ, yɛ́ tələnmolaa laŋįnŋąą, tulɔ kpinįn mɛ̨i pələ ə́ wɔ tɛ̨ą mɛ̨ni ɲɛ̨n deei hvo mą.

M̀ɛni-lɛɛi 4:2

Ɲąąɓa, Kili-Mąąhəɠɛɛ ə́ ɉə́ɠə. Ɛlɛɛ, ku tɛ laa. Tɔɔkpəlin ə kɛ yələkɔlɔn ɉu, ɛlɛɛ, nu ta ə ɓo heeni ɉu.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

Izikiɛ 10:1

Dulɔ kpinįn tii kɛ mąąkpɛ malakaɠaa nwun mɛ̨i, ŋą́ nąą kaa, hɛn da ə kɛ laa yɛ Kúwɔ́-kwɛni kɛ pələ; hɛn da ə ɓo yɛ tɔɔkpəlin gɛ pələ.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

M̀ɛni-lɛɛi 6:16

Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

Tɔɔɓɛlaa veelɛ 15:7

Azariasə ə laa nąnni kwɛlɛ, di noo nąnni kámą hu Davidə taa. Non Yotamə ə hee dɔɔ kpəlin ɉu a nąn mąąhvalin.

M̀ɛni-lɛɛi 5:7

Ə mąą lɛɠɛ laa, əgɛ, ə ɉɛɓɛ́ hon nui tii kɛ heeni dɔɔkpəlin ɉu, mamįiyee ɲą.

M̀ɛni-lɛɛi 4:3

Nui tii kɛ ɉu heeni gɛ pələ ə kɛ yɛ ɉaspə da sardoanə kúwɔ-kwɛnį. Dɔɔkpəlin tii mąątinɛ̨nŋąąi kɛ a gbəimiliin, yɛ lən yɛ emerodə kwɛni.

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Kɔlɔnikɔ Veerɛi 18:18

Mise yɛ mą: «Ə həli kan kaa, ka ká wəli tɔɔ ka Yai-Laa woo mąn. Ŋą́ Yai-Laa kaa ə ɓo heeni ŋą tɔɔkpəlin mɛ̨i yələ kɔ́lɔn ɉu, nwɔ kɔlaɠaɠaa kəlee di ɓo tɔɔni ɲee kəlee hu;

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Danîa 10:17

Ɲą́ą́ kpɔ ŋɛ̨i a nu gɛ́ ɓo a luwɔ kpɛli-kpɛli, dɔ́ɔ́i ɓa mį, kwa nwɔ́ mɛ̨nį Nąmu kuɔ pə́lə́ ɓo, ɲą́ą́ ŋəi hvaŋą hvo ɲə́i, nɔw kpɛli hvo kɛa ɉú?»

Lɛɛ gbɔwɔ ɓa 24:9

Moisə ə tɛ, da Aarɔn, Nadavə Avihu da Israɛlə kalanɉon pow mɛ̨ihveelɛi.

Zôo 42:5

Ŋą́ kɛi lɔ ə́ laa mɛ̨n diɛ mo, yiihu nwɛi, ɲɛ̨́i aa tɔɔ yɛ́.