Bib sou entènèt

Azaya 59:7 - Yálá laawoo hɛɓɛ (dc)

⁷ Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Gade chapit la Kopi

Yálá laawoo hɛɓɛ

⁷ Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Gade chapit la Kopi

Bible

⁷ Kákɔɔ maa félaai a gɛ́ɛ ká mɛni nyɔ́mɔɔ kɛ́. Káfa kálii maa sôŋ a gɛ́ɛ ka ǹúui páa nyii zɔ̀ŋ fé mai. Kákili-ŋa-sîai káa nɔ́ a mɛni nyɔ́mɔɔ maa kíli-ŋa-sia. Ƃɛ́i kélee ka tɛ̂ɛ naai, ka ǹaa su kàra, ǹaa é lɛ́ɛ a pilêŋ.

Gade chapit la Kopi

tounen moute ⬆

Azaya 59:7
26 Referans Kwoze

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

Izikiɛ 22:6

«Ə́ pɔɔli, Israɛlə lɔi ɲąąwooɓo nuą da kɛ ɲąmą pui; nu kəlee yɛ gɛ, yɛ bələi lɔ ɲee kɔ̨nwɔ̨n ɉu wala walaa la.

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Hanwon 15:26

Kiliŋąhiɛ ɲɔ̨nwɔ̨ɔ̨ɠaa wɛli kpɛɛi Yai-Laa ɓa kpɔ tɛ-tɛ, Kɛlaa, wɛlikɛmąą woo hu həɠeen ŋąąi.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Hanwon 6:18

Mɛ̨nį ɲɔ̨n gɛ kili, kɔ́wɔi a mɛ̨nį ɲɔ̨n mąą gilɛ həɠə,

Azaya 15:5

Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 65:2

Ŋą́ kɛi túwɔ́ ɲéé hąŋąi, kulɔ nwoomu nu kan bɔ pələ, nuąi di hvilɛnŋąą pələ ɲɔ̨nwɔ̨ɔ̨ mɛ̨i di pɔ pələ, a diɛi tii, di hvilɛnŋąą lɔ di kpɔwɔ kiliŋąhiɛɠaa pulu.

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Azaya 66:18

Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Ɉeremi 41:7

Di həliɛ daa hąąi, Netania lon Yismaɛlə da nuąi tii kɛ bɔ, di di paa, di di powa pili ɲálɔwa hu.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Swiv nou:

Lyen patwone

Piblisite

Piblisite