Azaya 59:4 - Yálá laawoo hɛɓɛ (dc)

⁴ Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Yálá laawoo hɛɓɛ

⁴ Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Bible

⁴ Káfa nûa dímɛni ŋá tèe a teniŋ ƃô-pere. Káfa dɔ̂ŋ ƃô a zã́a. Ka káwoli tɔ̀ɔ nɔ́ lɛ́ɛ mɛni-ŋa dîa. Ka mɛni nyɔ́mɔɔ-ŋa kpɛ̀tɛ é pîlaŋ nûa dîa, ká gɛ́ a dîa.

Azaya 59:4 Referans Kwoze

Zôo 15:35

Nui a mɛ̨nį ɲɔ̨n ɉee gwəi, a naayɛɛ a mɛ̨nį ɲɔ̨n. Gílíí kɛ mą lon mə a too gwəi.

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Ɉeremi 7:8

Kɛlaa, akɛ kaa kɛi ka kpɔɔ ɓowo a lɛɛ wooɠaa, yii nwun və mą,

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Azaya 30:12

Ɛlɛɛ yaan, mɛ̨nįi Israɛlə nwɔ Mąąhəɠə mun kaa moi ya ka: Yii yaan kaa nwooi ɲɛ̨i pili, ɛlɛɛ kaa ka kili lɛɛ wea mun nwoo ɓa, kaa ka kilitɔɔ ka ɓowo mun mą.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Zôo 15:31

Hvo gilitɔɔ kpɛli kpɛli ɓa, a kɛ ti, a gbɔwɔ ɓowo. Mąąhɔlɔɓo, vɛla kaa lɔ pai kɛi a ɓowo ɓo.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 5:18

Kpalo ɓɛlaai diɛ, da nɛ̨ŋɛ̨n ɲala di kɔ́wɔ pɔ, a nu ɓowo gɔtɔ yɛli, da túwɔ́ pələ ɲɔ̨n, yɛ nu a kɛi wotolo yala.

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Azaya 10:1

Kpalo ɓɛlaai tɔ́n ɲɔ̨nwɔ̨ɔ̨ laa nuą diɛ, nu mɔ̨nɔ̨ɓo hɛɓɛ́ ɓə da bɛ̨ɛ̨.

Azaya 26:18

Kwaa koo həɠə, kwaa kwəi nwąną kɛ, Kɛlaa gaa lɔ yɛ kwa ku laayɛɛ a hvaŋą, ku hvo pa li a ɓalo mɛ̨nį yɛnɛ̨ɛ̨ pɔ, ku hvo kpɛli pa li a nu nįnɛ̨ lɔi mɛ̨i.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 33:11

Ka koo həɠə a mɔ̨nun gban, kaa ka laa yɛɛ a dɛ̨ɛ̨ kpoloon, ka nɔ̨ɔ̨ kaa pai kɛi a nwɔ̨n, yɛ ka kələn.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Azaya 47:10

Ə́ kilitɔɔi kɛ ə́ wɔ gbąnąlaa ɓa, yɛ́ kɛ diɛ: «Nu ta hvo gáái.» Ə́ kili da ə́ wɔ mɛ̨nį kɔ́lɔn ŋąą ɓə ə́ pulu kulɔi. Ɛlɛɛ, yɛ́n, yɛ́ kɛ diɛ ə́ kwəi pələ: «Ɲą́ą́ lɔ gáá laa, akɛ ɲą́ą́ hvəi, nu takpɛli hvo nąą pulu, gəlee kaa a kpɛli!»

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Mąątɛ̨nɛ̨ 7:15

'Hvó gaai, gaa mɛ̨nį ɲɔ̨n mąą kili teei gwəi, yɛ ɲɛ̨nį mąą koo həɠə, a naayɛɛ, a yee lɛɛ ɉu.

Mąątɛ̨nɛ̨ 12:3

Lɛɛ lɔ ɓə da gɛ di kee ɓa: Di laawulun yɛ ɲąątɛ kɛ, di nɛ̨n ə ɓo di la hveelɛ.

Gɛlaɠaa 24:9

Ɉuifəɠaai kəlee di tɔɔ nwoo pulu, diɛ mą: Bələ ɓə ə kɛ la.