Azaya 59:3 - Yálá laawoo hɛɓɛ (dc)

³ Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Yálá laawoo hɛɓɛ

³ Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Bible

³ Kákaa a lɛ́ɛ-ƃela, mɛni su-kara-ƃela, da núu paa-ƃela. Kákaa a sɔŋyɔ̂ŋ-ƃela, kákɛ ƃò a núu nyɔ́mɔɔ-ŋa.

Azaya 59:3 Referans Kwoze

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Izikiɛ 13:8

Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Ɉeremi 2:34

Mąąwɛli nuą da kwəi kwələ nuą, di ɲąmą aa kɔ́ ə́ mąą həɠəɠaa diɛ; ə́ mąą həɠə ɓa ɓə gaa ɲąmą kaai laa, və́ gaai daa mąąkpɛ hį́i wolo ɓa.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Osia 4:2

Nu woo kala mɛ̨nį, lɛɛ, nu paa mɛ̨nįɠaa, nwuɔ̨, wɛli mɛ̨nį, di laa aa too; ɲąmą kpoloon yɛ ɉeei kaa.

Izikiɛ 35:6

yili ɓa, yii kpɔ gáá a vúlu, Mɛ̨nį kəlee ŋą Hééɓomun Yálá woo li; gáá pai ə́ ɲąmą pui, ɛlɛɛ, ɲąmą a hvilɛn ə́ pulu. Yii kpɔ hvó ɲɔw li ɲąmą ɓa, ɲąmą kaa pai kɛi hvilɛn ni ə́ pulu.

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Ɉeremi 7:8

Kɛlaa, akɛ kaa kɛi ka kpɔɔ ɓowo a lɛɛ wooɠaa, yii nwun və mą,

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Maafîu 27:4

«Ŋą́ą́ nɛ̨ŋɛ̨n ɉəɠə mun, mąąhɔlɔɓo, nui hɔn və mą ŋą́ą́ dɛɛ diɛ li baai.» Kɛlaa, yiliɠaai di mo mą diɛ mą: «Ku mąą kpaan və ɉu! Ə́ kpɔɔ mɛ̨nį li.»

Osia 7:3

Di túwɔ́ pələ ɲɔ̨nwɔ̨ pələ, di kaa tɔɔmun ɲɛ̨i lɛɛ pə́lə ɓa, da nɔi ɲąąwooɓo nuą, mąąhɔlɔɓo daa di woo kala.

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Ɉeremi 22:17

Tɔnɔ mɛ̨nį lɔ ɓə ə́ ɲɛ̨i pɔ, da ə́ kili pɔ, da kwəi kwələ mun ɲąmą pu mɛ̨nį. Yɛ́ túwɔ́ a wea pələ da kɛɛ kala pələ.

Azaya 3:8

Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Ɉeremi 9:2

Da di nɛn ɲala ɉu yɛ kilɛn, tɛ̨ą ɓo mɛ̨nį hvəi, lɛɛ mɛ̨nį vaŋa kɛnɛ̨i nɔi ŋɛ̨i hu, di kaa lɔ nɛ̨ŋɛ̨n bɛlɛi gee mɛ̨i. Ə lɛɛ ɲą́ą́ ŋɛ̨i a Yai-Laa di hvo gɔ́lɔn. Ɲą́ą́ Yai-Laa nwóó li.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.