Azaya 59:11 - Yálá laawoo hɛɓɛ (dc)

¹¹ Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Yálá laawoo hɛɓɛ

¹¹ Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Bible

¹¹ Kwa kɛ́ nyîɣɛi yɛ̂ɛ ditala-ŋa, kúkɛ wɔ̀lɔ a malôŋ-pere yɛ̂ɛ tòloŋ-ŋa. Kwa teniŋ ƃô-laa kɔ̂rii, kɛ́lɛ kúfa gàa. Kwa ƃálo-laa kɔ̀ri, kɛ́lɛ gɛ̂i kôyaa kûa.

Azaya 59:11 Referans Kwoze

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 8:15

Ə kɛ ku kwəi, mɛ̨nį kəlee mąą kaa pai hvalin ɉii a nɛlɛɛ, ya ka ku hvo nɛlɛɛ kaa li. Ku ɲɛ̨i ə ɓo kɔ́lɔi pɔ̨nɔ̨ tɔwɔ, ya ka kpalo aa pa.

Azaya 59:9

Yili mąą mɛ̨nį ɓa, kiti mąą kwɛa ɓə kuɔ, ɛlɛɛ təlinmolaa hva həli kuɔ. Ku ɲɛ̨i ə kɛ kɛɛ pɔ̨nɔ̨ tɔwɔ, kɛlaa kpinį ɓə pa, ku ɲɛ̨i ə kɛ hvóló tɔwɔ, kɛlaa, kpinį ɓə ku kaa hiɛi ɉu.

Azaya 51:20

Ə́ lonnii kaa puuni kwəli kəlee pɔ, daa kpɔlɔɔn yɛ lómą a kɔ́ a ɓaalə, Yai-Laa nwɔ liiholi, ə́ wɔ Yálái tómą pələ di mɛ̨i, aa di huwolo.

Mąątɛ̨nɛ̨ 119:155

Nwun mąąɓo mąą kwɛai nwąnąlɔ nuą diɛ, mąąhɔlɔɓo, di hva ə́ wɔ tɔn nwooi kwɛli.

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Mąątɛ̨nɛ̨ 38:8

Ɉú hvulaai yɛ nwɔ̨n a kɛ ɉɛ̨́ą, ɉúwɔ hu kəlee ɲąąnwąnąąi.

Mąątɛ̨nɛ̨ 55:2

Yálá! 'Ə́ wəli tɔɔ nwɔ́ hvɛli ɓo woo ɓa, ŋą́ kɛi ə́ mąąnɛ̨ɛ̨, hvó ə́ ɲɛ̨i həɠə laa.

Azaya 59:8

Di hvo liilaa pələ kɔ́lɔn, təlinmolaa hvo di kpaalə hu, pələ kpəlaanŋąąɠaa ɓə da hiɛ ɉu, nui lɔpee a hvilɛn ɉu, hva liilaa hɔlɔɓo.

Azaya 59:14

Yili mąą mɛ̨nį ɓa, daa giti tee mɛ̨nį pili pulu, ɛlɛɛ, tələnmolaa aa mąą tɛ pulu, aa tɔɔ. Mąąhɔlɔɓo, tɛ̨ą aa kalin gwəli hɛ̨ąi, ɛlɛɛ, nui kpɔ yɛ ə haŋąn hva pɛli dɔɔi hɔlɔɓoi laa.

Woolaa 3:17

Aa vɛ́ɠɛ yíi nɛ̨ɛ̨ hu, və́ kɛa nwun na nɛ̨ɛ̨ kɔ́lɔn.

Nahumə 2:7

Gbonŋaai di laaləi kaa ɲaɠaa kwɛlɛ pələ, daa di laa yali, nuą hu aa pu diɛ tɔɔmun ɲəi bɛlɛ́n.

Mąątɛ̨nɛ̨ 119:150

Biɛn doo nuąi tii, a nwąnąlɔ nuąi tii, di kaa lɛɠɛi mą́ą́, a diɛi tii daa di mąą kwɛa ə́ wɔ tɔn nwooi ɓai.

Nahumə 2:8

Daa mąąkpoloon, daa ɉəɠə diɛ li la, nwɔ tí nɛ̨ąi di kaa yɛ tonwələnŋąą di mąąwɛliɛ, di kaa lii a diɛ, di kaa di ɲinį hon ɉii.