Biblia Todo Logo
Bib sou entènèt

- Piblisite -




Azaya 57:13 - Yálá laawoo hɛɓɛ (dc)

13 Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Gade chapit la Kopi

Yálá laawoo hɛɓɛ

13 Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Gade chapit la Kopi

Bible

13 Kà wɔ̀lɔ kpɔŋ mâa mɛni ma, tɔɔ ŋaŋ káɣâla pɔkɔɔŋ-ŋai dí kpɔ́ŋ kâa, dí káŋuŋ ma ƃó. Vãai a pâi tɛɛ̂i a dia, ǹyaŋ ńɛwo a pâi dífɛ̂ɛi yɛ̂ɛ láa kpâla. Kɛ́lɛ diai pâi díkili tɔɔ̂i ḿâi, ǹɔii a pâi kɛ̂i a dípɔɔ, ǹyaŋ ŋáyee maa waai ma a pâi kɛ̂i a díkɛ̂i.”

Gade chapit la Kopi




Azaya 57:13
39 Referans Kwoze  

Mąąhɔlɔɓo, di kaa pai mɛ̨nį ɲɔ̨n gɛ nuą kulɔi a di nwun, Kɛlaa nuąi di kilitɔɔ Yai-Laa ɓa, nɔi kaa pai lɛɛi a di wɔɔ.


'Ə́ kilitɔɔ Yai-Laa ɓa, 'túwɔ́ a nɛlɛɛ yɛ́ pɛli heei nɔi hu, yɛ́ kɔ̨nɔ̨n ɉɔlɔɓo laa liilaa hu.


Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.


gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»


Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.


Mɛ̨nį kəlee ŋą Hééɓomun Yálá wo ka yɛ: Nwɔ́ yee mąąhəɠɛɛ, Israɛlə nwɔ yee tɔɔ mɛ̨i ɓə Israɛlə nwɔ pɛlɛ́i mu nuą kəlee kaa pai kɛi mą́ą́wiɛi laa. Di kəlee da kɛ kɛa heeni nɔi hu, nąą ɓə gáá pai ɲéé laa ka mu, gɛ́ ɲéé hee ka wɔ haláá hɛnŋaa lɛlɛɛɠaa mu; a yiiɠaai ka káá pai ɉəɠəi ka yəi hɛnŋaa lɔwai a nwɔ́ɔ́, a ɉɛnŋaai kpɔ ka káá pai kɛi gɔ́i la.


Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.


Gáá pai nu huwu kulɔi Ɉakɔbə huwu hu, a neelee, nuąi pai nwɔ́ yeeɠaai hɔlɔɓoi a di gwɛlin, ŋą di kulɔ Ɉuda huwu hu, nííɓa nuą kaa pai di hɔlɔɓoi a di wɔɔ, nuąi da tí mą́ą́, diɛ hee laa.


Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.


Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.


Yili ɓa, ɉaliɠaai tii ka ɉəɠə, ka di kɛ a ka wɔ yáláɠaai, ka mo diɛ. Diɛ ɓə mąąnɛ̨ɛ̨ di ka kulɔ kpaan ɉu.»


Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.


Hvaŋą kaa pai lii a ə́ ɲąąkɔn nuą, daa li a ə́ wɔ wɛliɠaai mąąkilɛ pələi. Nwumɛ̨ aa tɛ a yɛ́, ə́ ɓɛlɛ aa kpɛɛ yɛ́, ə́ wɔ kiliŋąhiɛ ɲɔ̨nwɔ̨ɔ̨ tii kəlee mąą mɛ̨nį ɓa.


'Tɛ́ Liban yee nwuɔ̨ ə́ tomą, tomą yələi Basan lɔi hu, tomą kɛɛnąą kəlee ɓa. Daa ə́ wɛlikɛmąą nuą kəlee hu yali


Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.


ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.


Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.


Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.


Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.


'Di kɛ yɛ kwələn, yai nɛaya a kɛ lɔ yɛɛi ɉɔɔ, 'di hvo hvóló kaa, yɛ nɛ̨ɛ̨nu yəi kala-lon.


Nu ɲɔ̨nwɔ̨ɔ̨ɠaa di wɛi hva kɛ tii, di kaa yɛ mɔ̨nun gala, yai hvaŋą a li la.


Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»


Elise yɛ Israɛlə tɔɔmun mą: «Lə mɛ̨nį ɓə gwa yɛ́ gu lɔwai? 'Li ə́ nąn nwɔ Yálá kwəi mɛ̨nį ɓo nuąi pɔɔli a wala kɛ tii ə́ lee nwɛiɠaa.» Israɛlə tɔɔmun ə nwoo pulu pənə, yɛ mą: kpaa! Mąąhɔlɔɓo, Yai-Laa ə dɔɔɓɛlaa haaɓai ŋɛ̨i ɲąąkpɔn giɛ, di lɔ mɛ̨nį ɓa Moabə yee ŋą.


Nu ya ə́ lɛɛ ɲəi kɛ Yai-Laa ɓa, yili hviɛlaɓoɔi, ə tɛɛ nu lɛɛ ɲəi kɛɛ nuą diɛ, ɓa.


Gɛlaɠaai nɔi tii ə di tɔɔ, lə ɓə da pɛli moi diɛ? Yai-Laa aa Siɔn taa tɔɔ, nwɔ lɔi hu lonnii, a mąąwɛli nuą, di kɛ laa di nɛ̨ɛ̨ hu.


Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.


Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.


Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.


Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.


Kɛlaa, nɔi a lɛɛ a liilaa nuą di wɔɔ; liilaa a kɛ di yəi, di wəli pulu laɠiɛ.


A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.


Tələnmo nuą kaa pai lɔi hɔlɔɓoi, diɛ hee ɉu a yələ kəlee mɛ̨nį.


'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.


'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.


Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.


Swiv nou:

Piblisite


Piblisite