Azaya 57:11 - Yálá laawoo hɛɓɛ (dc)

¹¹ Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Yálá laawoo hɛɓɛ

¹¹ Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Bible

¹¹ Yâwɛɛ a m̀ôi ǹyɛɛi, “Ŋ̀âla-ŋai kɔɔ da kɛ̂ kámaa yaôi, a gɛ́ɛ ká kɛ́ a lɛ́ɛ-ƃela ka nia ḿâ kpɔ́ kpúŋ? Káfe ŋɔ́nɔ yaôi ḿâ, kpɛ́ni fêi, ḿɛi saâi a zu-kôyaai?

Azaya 57:11 Referans Kwoze

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Ɉeremi 3:21

Toma woo kaa tɔɔi pələ kəlee pɔ, Israɛlə nuą gboo təli woo mąąwɛliɛ li, daa lan, gɛ mɛ̨nį daa Yai-Laa di wɔ Yálái lɛɛ.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Tɛsalonikə veelɛ 2:9

Yii ɓaa mɛlɛtoomun ti pa mɛ̨nį, yai ɓilihi kɛ-mɛ̨nį pɔɔ kaa mąi, gaa pai gbɔwɔ lɛi a huwalawalalaa huwu ɲɛ̨i tamąą, a kwɛlɛɛn mɛ̨nįɠaa, da nuą kili ɲą pɛlɛ mɛ̨nįɠaa,

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Ɉeremi 42:20

Ka wɔ yɛnɛ̨ɛ̨ ka tii ka káá mąą mɛ̨nį kɛi, kaa kpinįi ɓə dɔ́ɔ́ Yai-Laa ka wɔ Yálái pɔ, kaa kɛ mą́ą́: Ku mąą nɛɛmąą hvə Yai-Laa ku wɔ Yálái ɓa, mɛ̨nį Yai-Laa ku wɔ Yálái a mo, ə́ pənə ə́ mo kuɔ kpɔlɔ ɲą́ą́lee, kwa gɛ.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Azaya 42:14

Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Ɉeremi 38:19

Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Ɉeremi 41:18

Di kɛi pu Kalde nuą diɛ, di kɛi ɲɔw diɛ; mąąhɔlɔbo Netania lon Yismaɛlə aa kɛ Ahikamə lon Gedaliasə paa, a nui tii Babilonə tɔɔmun ə ɉee yɛ ɲɛ̨i kɛ nɔi ɓa.

Maafîu 25:25

Ya ɓə gɛ ŋį́ ɲɔ̨w, ŋą li a yɛ wali tɔ̨nɔ̨i tii, ŋį́ lɔwa tee ŋį́ now ɉu. Yili ɓai tii, yɛ wali tɔ̨nɔ̨ kpɔ ka.›