Azaya 57:10 - Yálá laawoo hɛɓɛ (dc)

¹⁰ Ə́ ə́ kpɔwɔ hvii kpɛɛ a ɉiɛ tamąąi tii, Kɛlaa, hvó kɛli diɛ: «Nąą aa kala kɛa!» Yaa hvąŋą nįnɛ̨ hɔlɔɓo, yili mąą mɛ̨nį ɓa, ə́ hvii hvo kpɛɛ li.

Yálá laawoo hɛɓɛ

¹⁰ Ə́ ə́ kpɔwɔ hvii kpɛɛ a ɉiɛ tamąąi tii, Kɛlaa, hvó kɛli diɛ: «Nąą aa kala kɛa!» Yaa hvąŋą nįnɛ̨ hɔlɔɓo, yili mąą mɛ̨nį ɓa, ə́ hvii hvo kpɛɛ li.

Bible

¹⁰ Ká kɔlɔ kpɛ̂ɛ kâa ɣâla da kpɛ́ni-ŋa kɔ́ri mɛni su, kɛ́lɛ káfii fé kpɛ̀ɛ ní nyíŋi kélee su. Ka lâai la káɣâla pɔkɔɔŋ-ŋai da pɔ̂ri kponoi kpânaŋ tɛɛ̂i kápɔ kɔlɔ fa wɔ́lɔ kpɛ̀ɛ kâa.

Azaya 57:10 Referans Kwoze

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.

Izikiɛ 24:12

«Ɓɛnɛ̨ aa kóló hee mą́ą́ tai, ə mą kɛ tii, nwɔ̨n və pai mɛ̨nɛi tii ɉeɛ gwɛli ləɠii tii ɓa, gulɔi mą.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Azaya 47:13

Da kɛ ə́ wəlii woo ɲąąnwąnąi a liɛwoo tamąą, Nuąi tii di pa kɛa wɛ, diɛi tii da kɛ mɛ̨nį kwɛlii yələ kwəi, diɛ tɔlukpɛ a pɛmɛ̨lɛ̨n-gɔwɠaa, ɲąnįn dɔɔ pələ tɛi tɛi, mɛ̨nįɠaai pai kɛi ɲąnįn tii yeemu, ɉukulɔ, nuą kpɔ di di muhəɠə kɛa, di ə́ ɓalo.