Azaya 56:3 - Yálá laawoo hɛɓɛ (dc)

³ Nweąi a hvilɛn Yai-Laa pɔ, mąą hvo nɛ̨ɛ̨li hvo tɔɔ yɛ kɛ diɛ: «Yai-Laa kaa pai gúlɔi nwɔ nuąi lɔwai ɉəɠə mąą hvo mą.» Ɛlɛɛ, gbɛtɛ kpuwulu hvo kɛ diɛ: «Nwɛi gáá a wulu kpala.»

Yálá laawoo hɛɓɛ

³ Nweąi a hvilɛn Yai-Laa pɔ, mąą hvo nɛ̨ɛ̨li hvo tɔɔ yɛ kɛ diɛ: «Yai-Laa kaa pai gúlɔi nwɔ nuąi lɔwai ɉəɠə mąą hvo mą.» Ɛlɛɛ, gbɛtɛ kpuwulu hvo kɛ diɛ: «Nwɛi gáá a wulu kpala.»

Bible

³ Ŋɔ̃́ya nyíi a gbîŋ kɛ́ a Yâwɛɛ ŋɔnûai dai, vé m̀o ǹyɛɛ, “Tɔ̃yâ ma Yâwɛɛ fé pâi ǹɛɛ̂i naa kwa ŋɔnûai kú vɛli kwaa tɔnɔ ma.” Zurɔ̂ŋ nyíi dí m̀elai, vé m̀o ǹyɛɛ, “Lóŋ káa pɔ̂ri da fé ḿî, m̀ɛni ma, fa pɔ̂ri wɔ́lɔ kɛ̂i a Ɣâla ŋɔnûai da.”

Azaya 56:3 Referans Kwoze

Korɛntə dɔlɔɔ 6:17

Kɛlaa, nui da Ną́mu daa yili di kee ɓa, di kili a kɛ tanɔ̨n.

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Kilii háálai.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Azaya 39:7

Di kaa pai lii a ə́ lonnii tamąą, yiiɠaai a ə́ kwəi lonnii, diɛɠaai ə́ kaa di kaai; di kaa pai daɠaai ɓɛlai di ɓo Babilonə tɔɔmun ɲəi gwəlii.»

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Lonon mo 18:7

Yɛ́ ka ə́ lonnii ɓə pai kɛi ɉaláá kulɔ kəhi ɓa, da ɉəɠə pɛlɛ́, gɛɛnąą mąąhəɠɛɛ mąą mɛ̨nį; ka nwuɔ̨ tiɛ̨ li. Ŋą́ą́ ɉaláá kulɔ mɛ̨nį mąą laa tɛɛ tii ka pɔ. Nui yili mąą laa hvo ɲəi, a lɛɠɛ laa a haa.»

Lonon mo 18:4

Di kaa pai kɛi ə́ mąą kpɔnmąą ɓoi, diɛ gee kaa kələ mąą mɛ̨nį ɲɛ̨i kulɔ, a gələ́ mąą mɛ̨nįɠaa kəlee, nu takpɛli hva pɛlɛ kaa.

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Gɛlaɠaa 18:7

Ɉəɠɛɛ laa, ə li hulɔnu ta pɔɔli diɛ kɛ mą: Titiusə Ɉustusə yili ə kɛ a Yálá mąąwiɛmun, nwɔ pɛlɛ́i ə kɛ Yálá hvɛli pɛlɛ́ kwɛlɛ.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Levetekɔ 21:20

ə kɛ a kiikpo nąmu, ə kɛ a nu kpąin-kpąin, ə kɛ a nui tən gaa ɲɛ̨i kɔ́w ɓa, ə kɛ a nui gbɔwɔlɔ kaa mą, ə kɛ a nui daa mɛla.

Kɔlɔnikɔ Veerɛi 6:32

«Ə mą kɛ a nwɛ̨ąi hvo a Ə́ wɔɔ nu huwui Israɛlə mun da, a həɠə lɔi takpɛli hu kwɛaa la, Ə́ laa kɛnɛ̨i mąą mɛ̨nį ɓa, da Ə́ yee walawala laa mąą mɛ̨i ɓa yii aa bələ mɛ̨n, a pa bɛlɛ́i ŋɛ̨i mu, yɛ Ə́ hvɛli;

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Levetekɔ 25:45

ka da yá nwɔ̨nɔ̨ ka mąą nwɛ̨ąąi heeni ka kɔ́wɔ mɛ̨i di yəi; a wala kɛ tii, di huwu ta, yii heeni ka pɔɔli. Mąąhɔlɔɓo, daa di hamu pili kɛa laa. Luwɔɠaa tii kaa pai kɛi a ka pɔɔ.

Dutɛrɔnome 23:9

Di wɔ mąnįn bulu mąnįn, ɉaaɓa nąą kaa pai lɔi Yai-Laa nwɔ haláá ɲąąkpɔn ɉu.