Azaya 55:6 - Yálá laawoo hɛɓɛ (dc)

⁶ 'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Yálá laawoo hɛɓɛ

⁶ 'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Bible

⁶ Ka tínaŋ a Yâwɛɛ pɔ́ naa pere ká kɛ́ vɛ̀li a ɣele kélee. Ka dóli tãi ǹɛɣɛ̂i la a káai.

Azaya 55:6 Referans Kwoze

Mąątɛ̨nɛ̨ 145:18

Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Mąątɛ̨nɛ̨ 32:6

Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Mąątɛ̨nɛ̨ 14:2

Yai-Laa a lɛɛ yələi, ə ɲɛ̨i pili nu-kanŋąą mɛ̨i, ə gaa, a kɛ dɔ̨nɔ̨ kpɛli kaa a kilimąą mun, yɛ Yálá kwɛli.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Amɔsə 5:6

Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Mąątɛ̨nɛ̨ 27:8

Nwooi ə́ mo, nąą kili kaa ŋą́, yai ə́ kɛ la mą: «'Ka ɲɛ̨́ilai gwɛli», Yai-Laa ə́ ɲɛ̨ilai ɓə gáá gwɛlii.

Zôo 8:5

Akɛ ə́ wɛi ə́ kaa Yálá kwɛlii, yɛ́ nɛ̨ɛ̨mą hvə Huwalawala Kəlee Nąmu ɓa,

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?

Mąątɛ̨nɛ̨ 95:7

Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Ɉaan 8:21

Jesus ə mo nwɔ̨nɔ̨ diɛ, yɛ diɛ: «Gáá lii, ka káá pai gwɛ́lii, kɛlaa, ka káá pai haai ka kɛ nɛ̨ŋɛ̨n ɉu. Ɓɛi gáá lii laa, ka hva pɛli lii laa.»

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Mąątɛ̨nɛ̨ 75:1

Nwələ ɲɛ̨itɔwɔmun. Nwələi da kɛ mą: «'Hvo ɉu kala.» Asafə nwɔ hvɛ́li woo.

Ifisiɛŋ 3:13

Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Maafîu 5:25

«Akɛ hvaa a kɛ ka nu ta ka lɔwai, kaa li moi, ka kɛ bələ ɓa, gɛ pələ kwɛli mą, ka yaa ka nɛ̨ɛ̨ a mąą hulaa, ə gɛ, hvo pa ə́ mąą ɲaba lɔ kiti tee mun ma, kiti tee mun hvo pa ə́ tɛɛ holahiɠaa pɔ, di hvo ə́ too gaho ɲą.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.

Azaya 26:9

Ə́ mąą lii kaa gwə́i kwíi hɛ̨ą, gíli hvilɛn ŋąą Yɛ́, ɉú pələ yɛ ə́ kwɛli, da kɛi ə́ wɔ kiti wooi pɔ yíi ɓo lɔi mɛ̨i, yɛnɛ̨ɛ̨ nu kanŋaa kɛɛ tələnmo yíi mąąkwɛlii ka tii.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Ɉeremi 25:5

Ə kɛi kɛ kaa: ‹Ka kəlee ka həɠə ka hiɛ pələ ɲɔ̨nŋaa pulu, da ka wɔ túwɔ́ pələ ɲɔ̨nŋaa, ya ɓə a gɛ, nɔi ŋɛ̨i Yai-Laa ə dɛɛ ka pɔ, ka ka nąnni, ka pɛli heei ɉu, kaa lɛɛ laa a yələ kəlee.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Zôna 3:8

Nuą, ə mą kɛ daatɛlɛɛɠaa gəlee, nu kəlee ə mąąwɛli hee ɓo. Nu kəlee ə nɛ̨ɛ̨mąą hvə Yálá ɓa a nwɔ huwalawala kəlee. Nu kəlee ə bulu tɔɔ gɛ mɛ̨nį ɲɔ̨n ma, da di wɔ nwąnąlɔ túwɔ́ɠaai.

Ɛsdrasə 10:2

Ya ɓə, Yehiɛlə lon Sekania, yai kɛ a Elamə lon da, ə mo Ɛsdrasə ɓa, yɛ mą: «Kwa ku hɔn gɛ a Yai-Laa, a huwu takpɛli nɛ̨ąą həɠəi ku mo a ku nɛ̨ąni, kɛlaa ə mą kɛ tii, Israɛlə kilitɔɔi wolo kaa laa.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.