Bib sou entènèt

Azaya 55:2 - Yálá laawoo hɛɓɛ (dc)

² Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Gade chapit la Kopi

Yálá laawoo hɛɓɛ

² Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Gade chapit la Kopi

Bible

² Lé ƃe kà káyêei sɛŋ-kao kɔlɛ̂i la sãâ pôlu, m̀aa sãai dífa kálii laai? Lé ƃe kà mɔ̃lɛ̂i la mii-sã̂a mɛni ma m̀aa mii-sãai dífa kápelai? Ka káwoli tɔ́ɔ ḿâ, ká m̀ɛnii mɛ́ni ŋa pâi m̀ôi kâai. Kà gɛ̀ tí, ka pâi kɛ̂i mii-sã̂a lɛ́lɛɛ-ŋa ŋ̀aa nɛ̃̂ɛ kulâi.

Gade chapit la Kopi

tounen moute ⬆

Azaya 55:2
42 Referans Kwoze

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Ɉeremi 31:14

Gáá pai ɉaláá laa həli nuą pilɛi a huwɔ wulɔɔɠaa. Nwɔ́ nuą da pilɛ a ɲə́i mɛ̨inɛ̨ɛ̨. Ɲą́ą́ Yai-Laa nwóó li!

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Markə 7:14

Yili pulu ə nu kpului tii təli, yɛ diɛ: «Ka kəlee ka ka wəli tɔɔ mą́ą́, ka nwóó ŋąą kaa.

Maafîu 22:4

«Ə pənə ə nwɔ tínuą takpɛliɠaa tɔɔ, yɛ diɛ: ‹Ka li nuą tii ŋą́ di təli kaa diɛ: «Niɉɛ gbɔnɉaai ŋą́ di paa gəlee daa mɔ. Di pa kɛa ku ku kwəinɛ̨ɛ̨ nón nwɔ húlu lɔ hɛlii hu.»›

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Lomaŋ 9:31

Yá pa, Ɉuifəɠaa kɛi tələnmolaa kwɛli tɔ́n ɉu, di tɛɠɛ gɛlɛ.

Maafîu 15:9

Gwɛlii da vilɛn mą́ą́, gaa a kpɛli-kpɛli. Mąąhɔlɔɓo, nuą túwɔ́ pələ lɔ ɓə da galan di kee ɓa; diɛ ɲą́ą́ Yálá nwɛ́i lɛɛ laa.›»

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Hanwon 9:5

«Ka pa ka nwɔ́ kɔ̨nɔ̨n mįi, nɔɔi ŋį́ bɛli, ka gbələ.

Mąątɛ̨nɛ̨ 34:11

Yalaɠaa da hvɛɠɛ, di pulu həɠə, Kɛlaa, nuąi da Yai-Laa kwɛli, di hva hvɛɠɛ a hɛn nɔpee ta.

Lomaŋ 10:17

Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Lukə 15:23

Ka pa a nįŋɛ̨ gbɔn tii gɔlɔ lɛlɛɛ laa mą, ka baa, ka gu kwəinɛ̨ɛ̨ kulɔ, guu laa mį́į́.

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Ikilisiati 6:2

ya ɓaa: Nu ta ka tii Yálá aa hvaa mą, aa hɛn gɔw da yeelahvólóon dɛɛ bɔ, ɛlɛɛ, mąąwia. Nui tii, hɛn kpɔ gaa bɔ, aa gəlee hɔlɔɓo, Kɛlaa, Yálá hva nɛɛ laa hvo nwɔ hɛnŋąą tii ɲąąnɛ̨ɛ̨ kulɔ; nu takpɛli ɓə a ɲąąnɛ̨ɛ̨ kulɔ. Yili kaa a kpɛli-kpɛli mɛ̨nį da mɔ̨nɔ̨ ɲąąnwąnąą mįiɛ.

Hanwon 8:32

Yiihu, nónnii, ka ka wəli tɔɔ mą́ą́. Ka nwɔ́ liɛwooɠaa hon, ka kɛ a lúwɔ́ lonnii.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Hanwon 7:23

A lɛɛ yili hu, ə lɛɛ la ɉu, mɛ̨ɛ̨kɔ́w ta ə ɓɔ níi hu, yɛ ɓo yɛ nwɛ̨nį lon a kɛi li tooi diŋɛ̨n ɉu, gili hva kɛ ɉu, yɛ kɛ mɛ̨nį li.

Hanwon 1:33

Kɛlaa, nui a nwəli tɔɔ nwóó ɓa, nwɔ pɛlɛ́i mu ɲąą a nɛ̨ɛ̨, kpalo hva gaa.»

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Azaya 62:9

Kɛlaa nui kɛa a mɔ̨nun dee, a gɛ a gɔ̨nɔ̨n, diɛ Yai-Laa laa tɛ, ɛlɛɛ, nuąi da lɔɔ hɔɔ, da gbələ, ɲə́i gwəlii, nwɔ́ pɛlɛ mąąhəɠɛɛi laaləi.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Ɉeremi 17:24

Yai-Laa yɛ: Káá ŋɛ̨i, ka ka wəli tɔɔ a nɛlɛɛ, ka wala tɛɛ a tiɛ̨ daa ŋɛ̨i gbonŋaa laaləi, ka wala kóló huwui lɔpee da kɛ a mąą yələi, kaa vįitɔɔ yələ mąąhəɠə,

Swiv nou:

Lyen patwone

Piblisite

Piblisite