Azaya 54:1 - Yálá laawoo hɛɓɛ (dc)

¹ 'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Yálá laawoo hɛɓɛ

¹ 'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Bible

¹ Zerusâlɛŋ, íkaa nɔ́ yɛ̂ɛ kpóma nɛ̂ni. Kɛ́lɛ wule tóo, í koi-nɛ̃ɛ kula. Ya pá nîa-pɛlɛɛ támaa maa sɔlɔ ƃôi é tɛ́ɛ ǹɛnîi ma da bɔ̂ŋ díkaa niî tûai.

Azaya 54:1 Referans Kwoze

Galatə 4:27

Hvó gaai, ɉɛɓɛ́ yɛ: «'Ə́ kwəinɛ̨ɛ̨ kpomąnɛ̨ą, yɛ́i lon gaai hvo kɛ yɛ́, 'pili yələi, ə́ tómą a kwəinɛ̨ɛ̨, yɛ́i hvo kɛ lon gwəinwąną kɛ li, mąąhɔlɔɓo, nɛ̨ɛ̨nui daa gulɔ lɔwɔi, nonnii kpulu tamąąi, di tɛɛ hilɛ tai-nɛ̨ą ɓa.»

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Samuɛlə dɔlɔɔ 2:5

Nuąi kɛi kɔ̨nɔ̨n ɉu kala, di kaa kóló kwɛlii kɔ̨nɔ̨n ɉɔlɔɓo mɛ̨nį ɓa. Nuąi kɛi pulu həɠə, diɛ di hvįitɔɔ. Ɛlɛɛ kpomąnɛ̨ą aa lon gaa mɛ̨ihveelɛ. Ɛlɛɛ, lon gaa nɛ̨ɛ̨nu kwəi aa haa.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Mąątɛ̨nɛ̨ 113:9

A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi!

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Azaya 49:20

Ə́ lonnii ə́ kɛi kɛ diɛ, daa pili, di kaa pai kɛi pənəi, diɛ wɔlɔ, ə́ wəlii, diɛ kɛ yɛ́: «ɓɛ kolɔɔi ku mą́ą́ mɛ̨nį ɓa, 'lɔi tɛɛ bɔ́, ə́ mąą ta wolo lɛɠɛ tii, ŋį́ hee.»

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Wɛli 8:8

Ku mąąhala kaa tanɔ̨n, yɛ ɓo a nɛ̨ɛ̨non, ɲįnį kpɛli hvo ni kulɔ li, hvólói da naa ɓo la hilɛtai mɛ̨nį hu, kwa gɛ ləi?

Zɛnɛse 21:6

Nąąlɔwai, Sara ə mo, yɛ diɛ: «Yálá aa kwəinɛ̨ɛ̨ yɛlɛ too ná. Nuąi lɔpee pai Isaakə mąą mɛ̨nį bələ mɛ̨n ɉii, di kaa pai yɛ́lɛ́i nwɔ́ yɛ́lɛ́ pɔ.»

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 24:14

Yiiɠaai tómąi a di woo kɛnɛ̨ di kaa Yai-Laa laa mąąwɛi. Di kaa pilii yələi gboloyá kwɛlɛ pələ.

Azaya 49:19

A tɛ̨ą, ə́ kaa a lɔi pun, a lɔi mąąwɛliɛ, kɛlaa, ə həɠə yiihu ɓa, ə́ hu kaa pai koloi, ə́ hu nuą tamą pələ ɓa, ɛlɛɛ, nuąi kɛi ə́ hukala, diɛ li kwɛaala.

Azaya 66:7

Hvo mą kwəi nwąną kɛli, aa naayɛɛ, hvo mą mɔ̨nɔ̨ mįi li, aa mąn lon ɉulɔnu kaa.