Azaya 53:4 - Yálá laawoo hɛɓɛ (dc)

⁴ Ya pa, gu wɔ mɔ̨nɔ̨ɠąąi ka tii ə ɉəɠə, gu wɔ kɔ́kulááɠaai ka tii ə ɲee hee mu, Kɛlaa, ə kɛ gu kwəi guɔ ɉu ka tii di kaa dɔɔi, nui Yálá aa gɛlɛ́, yɛ nwumɛ̨ tɛ mą.

Yálá laawoo hɛɓɛ

⁴ Ya pa, gu wɔ mɔ̨nɔ̨ɠąąi ka tii ə ɉəɠə, gu wɔ kɔ́kulááɠaai ka tii ə ɲee hee mu, Kɛlaa, ə kɛ gu kwəi guɔ ɉu ka tii di kaa dɔɔi, nui Yálá aa gɛlɛ́, yɛ nwumɛ̨ tɛ mą.

Bible

⁴ “È m̀ɔ̃lɛ-laai sîɣe nyii maa-nɛ̃ɛ̂i kɛ̀ kú gɛ́i, é m̀ɛni sôlii káa nyii maa-nɛ̃ɛ̂i kɛ̀ kú tɛ́ɛ zui. Kú kɛ̀ gâai yɛ̂ɛ ǹyaa ƃé Ɣâla è m̀ɛni kula maai tí kpɛ̀tɛ m̀ɛni ma.

Azaya 53:4 Referans Kwoze

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Mąątɛ̨nɛ̨ 69:26

Di wɔ pɛlɛ́ɠaai di lɛɛ a gboloon, nu ta hvo kɛa yíi di wɔ pɛlɛ́ɠaai mu.

Maafîu 26:37

Gɛɛ lii, ə Piɛrə da Zebede lon ɉinąą hveelɛi həɠə, da diɛni də li. Jesus ə lɛɛ lɔ laa, lii kələn gwəi da liihɛlɛn ə gɔwɔ tɔɔ yɛ too mą.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Levetekɔ 16:10

Yii ŋɛ̨i lɛɛ a Azazɛlə nwɔɔ, da nɛɛ a vulú də li la Yai-Laa lííla, di di hɛɛtɔɔ mą, di gbala kpɛ, ə li nɔi pun ɉu Azazɛlə pɔ.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Lonon mo 7:15

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Lonon mo 7:45

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Mąątɛ̨nɛ̨ 69:8

Ə́ mąą mɛ̨nį ɓə ŋą́ nííkpələ la lalan mu, ɲɛ̨́i mąą yɛ luwu, diɛ ɓáá kulɔ mą́ą́.

Mąątɛ̨nɛ̨ 69:27

Mąąhɔlɔɓo, nui ə́ gɛlɛ, di hvilɛn bulu a kɔ́, nuąi yá di hutɔɔ, da kɛ mɔ̨nɔ̨ ta pɛlɛi mą di yəi.