Azaya 52:9 - Yálá laawoo hɛɓɛ (dc)

⁹ 'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Yálá laawoo hɛɓɛ

⁹ 'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Bible

⁹ Ka koi-nɛ̃ɛ wule-ŋa too ɣelêi pere, káai Zerusâlɛŋ bilêŋ ŋái. Yâwɛɛ a pâi ŋɔtaa-lêei ŋuŋ ma ƃôi, é ŋɔnûai ŋa-nɛnɛ.

Azaya 52:9 Referans Kwoze

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Mąątɛ̨nɛ̨ 98:4

Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

Azaya 61:4

Hɛnŋąąi kpɔ kɛ daa di lɛɛ a gboloon, di kaa pai pənəi di gəlee tɔɔ, bɛlɛ́ɠaai wɔlɔ di di pu, da pənə di gəlee tɔɔ, daaɠaai wɔlɔ di di wolo, di kaa pai pənəi di gəlee tɔɔ, da mąąwɛli mɛ̨nįɠaai kpɔ tii wɔlɔ daa lamun a kwɛlan damąą.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 14:7

Lɔi aa hvįįtɔɔ hɔlɔɓo, yɛ tómą a kwəinɛ̨ɛ̨.

Galatə 4:27

Hvó gaai, ɉɛɓɛ́ yɛ: «'Ə́ kwəinɛ̨ɛ̨ kpomąnɛ̨ą, yɛ́i lon gaai hvo kɛ yɛ́, 'pili yələi, ə́ tómą a kwəinɛ̨ɛ̨, yɛ́i hvo kɛ lon gwəinwąną kɛ li, mąąhɔlɔɓo, nɛ̨ɛ̨nui daa gulɔ lɔwɔi, nonnii kpulu tamąąi, di tɛɛ hilɛ tai-nɛ̨ą ɓa.»

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 40:1

'Ka nwɔ́ nuąi hvaŋąlɔ, 'ka di hvaŋąlɔ, ka wɔ Yálái woo li.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Mąątɛ̨nɛ̨ 102:22

Di kaa pai Yai-Laa Laa ɓoi a lolo, Siɔn daa kwəi, diɛ mąątɛ̨nɛ̨ Ɉerusalɛmə daai.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?