Azaya 51:9 - Yálá laawoo hɛɓɛ (dc)

⁹ 'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Yálá laawoo hɛɓɛ

⁹ 'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Bible

⁹ Yâwɛɛ, ímu-siɣe, í kpɔ́ŋ kûa! Kúŋuŋ ma ƃó a íwala-walai, yɛ̂ɛ berei í gɛ̀ la kóraŋ támaa tɛɛ pôlu mai. Ƃía fé yúoi-zere kalii Leɣa su-tèe-tee a gbua-kpûaa?

Azaya 51:9 Referans Kwoze

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Mąątɛ̨nɛ̨ 89:10

Yɛ́ ɓə ya gboloyá nwɔ kpɔwɔ ɲąąkɛnɛ̨ kpəla bələi, ɲáɠilin a muhəɠə a tɔɔ, Yɛ́ ɓə ya gɔlɔ haa mą.

Azaya 30:7

Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Mąątɛ̨nɛ̨ 44:1

Wələ ɲɛ̨itɔwɔmun, Kore lonnii di wɔ kililaa pono wələ woo.

Zôo 26:12

Vaŋą kɛnɛ̨ a gboloyá kpɛlin, Ə gboloyá hu ɲinɛn ɉukala a nwɔ mɛ̨nį kɔ́lɔnŋąą.

Mąątɛ̨nɛ̨ 7:6

Ɲówo ə hvilɛn búlu, ə ɉón, ə nwɔ́ yɛnɛ̨ɛ̨ kiin nɔi ɓa, ə gbóyɛli kəlee pu pɔlɔ hu!

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 87:4

Gɔ́lɔ́n nuą lɔwai, ŋą́ Rahavə, Babilonə di laa ɓo. Da kɛ diɛi: Di nu yii kaa Filisti lɔi hu, di yii kaa Tirə lɔi hu, a wala kɛ tii Nubi lɔi hu.

Mąątɛ̨nɛ̨ 44:23

Ə́ mąą mɛ̨nį ɓə da tuwɔ ku paai la, diɛ ku hon yɛ ɓɛlaa lonnii di kaa lii di paai.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 11:17

diɛ kɛ mą: «Ku kaa Ə́ mąmąɓoi gu Námu Yálá huwalawala kəlee nąmu, yɛ́i laa, yɛ́i wɔlɔ kɛ laa, hvó gaai, yáá ə́ kɛ mɛ̨nį kɛ a yɛ́ huwalawalalaa kɛnɛ̨ɛ̨i, ɛlɛɛ, Yáá Ə́ wɔɔ tɔɔlaai hee.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Nwun mąąɓo 6:13

Zedeɔn yɛ malaka ɓa: «Ee! Nwɔ́ mɛ̨nį Nąmu! Akɛ Yai-Laa kaa ku pɔ, lə mɛ̨nį ɓa, mɛ̨nį ɲąąnwąnąąi ŋɛ̨i kaa laai kuɔ? Ku nąnni di kɛ kuɔ, Yai-Laa ə wɔlɔ di kulɔ Eziptə lɔi hu, ə kpalo mɛ̨nį tamąą kɛ di ɲɛ̨i ɓa, nwɔ mɛ̨inɛ̨ɛ̨ tii kaa kɛa mį? A tɛ̨ą, Yai-Laa aa gili kulɔ ku hu, aa ku kwɛlɛ Madian nuą diɛ.»

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Ɉaan 12:38

Ya ɓə ə gɛ, mɛ̨nį ŋɛ̨i Yálá kwəi mɛ̨nį hukulɔ mun Esai ə mo, naa ə hon, yaai ə kɛ la mą: «Ną́mu, nwəlɛɛ ŋɛ̨i ku mo, gbɛɛ ɓə laa na? Gbɛɛ ɓə Ną́mu ə nwɔ yəi kɛnɛ̨ laa lɛ mą?»

Mąątɛ̨nɛ̨ 59:4

Hvo di kaai, daa hɛlɛn dɛ dɔ́wɔ́, huwalawala nuą diɛ wolo mą́ą́, ya pa, və́ mɛ̨nį ɲɔ̨n gɛli, və́ ɉɔ́n gɛ li. Və́ nɛ̨ŋɛ̨n ɉəɠə li Yai-Laa ɓa!

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Zôo 9:13

Yálá a níiholi nu hva pɛli gbəlai bələi. Gboloyá hu huwɔ kpɛa kpɛa kəlee da pɛlɛ gɔwɔ mu.

Mąątɛ̨nɛ̨ 77:5

Yáá ɲɛ̨́i kɔ́lɔnŋaa hon, hvó gɛi ɲɛ̨́i hvo pɛlɛ mą, gwə́i pilɛɛi mą́ą́, mɛ̨nįi kpɔ ŋį́ mo, və́ gaai.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Mąątɛ̨nɛ̨ 44:24

'Ə́ muhəɠə, Hɛn gəlee-Nąmu, lə yíi ɓə ə́ kaa moi? 'Ə́ ɲínąąɓo! Yíi ə tee ə́ ɲɛ̨i! 'Hvó ku pili a ɉukwɛa!

Mąątɛ̨nɛ̨ 89:11

Yɛ́ ɓə Rahavə powa kiin, yɛ́ ə́ yowoɠaa hutaɠa a ə́ yee kɔ́nwɔ̨n ɉuwala-walaa.

Mise 7:15

Mɛ̨nį ɲɛ̨i kɛnɛ̨ɛ̨ lɛlɛɛɠaa lɛ kuɔ, yɛ ɲələi ə́ ku kulɔ la Eziptə lɔi hui.

Gɛlaɠaa 7:7

Kɛlaa, Yálá ə kɛ mą: ‹Nɔi ti di kaa pai kɛi ɉu luwɔlaa hu, gáá pai gití teei, yili pulu, da kulɔ laa di pa ɓɛ diɛ kwɛli hvilɛn mą́ą́ ɓɛ Ɉerusalɛmə.›