Azaya 51:5 - Yálá laawoo hɛɓɛ (dc)

⁵ Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Yálá laawoo hɛɓɛ

⁵ Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Bible

⁵ Ŋá ŋuŋ ma ƃoi a lɛɣɛ̂i kpɔ́ a maa félaa. Ŋáŋuŋ ma ƃôi a lí kpɔ́ póŋ-poŋ. Ńyãa kpîŋ ƃé pâi kɛ̂i ŋánûai láa túɛ. Yúo kpono ma lɔii-ŋuŋ-ŋai da ḿaa kpɛ́nîi, kili kɛ̀ zú kɛ́ ƃò díyêei ḿaa mɛ̂ni ma a gɛɛ ŋá díŋuŋ ma ƃó.

Azaya 51:5 Referans Kwoze

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Markə 16:15

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Maafîu 3:2

Yɛ kɛ mą: «Ka kpəla mɛ̨nį ɲɔ̨n gɛɛ ɓa, ka ka túwɔ́ pələ mąąhvalin, Yálá-taa tɔɔlaai mąą aa kpuwɔ!»

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Azaya 63:5

Ŋą́ ɲɛ̨i laa, və́ mą́ą́ kpɔn mąąɓomun gaa! Ŋį́ nwóó laa, nu hvo tɔɔ búlú. Yili ɓa, ɲéé lɔ ɓə kɛa mą́ą́ kɔ̨nwɔ̨, ɛlɛɛ, nwɔ́ líiholi lɔ ɓə tɔɔ búlú.

Azaya 56:1

Yai-Laa woo ka, yɛ diɛ: «'Ka hiɛ a ɉaŋąą, ka tələnmo yii ɓo, mąąhɔlɔɓo, nwɔ́ ɓalo mɛ̨nįi pa hiɛ li, nwɔ́ tələnmolaai yɛ pa kulɔi pɔ̨nɔ̨ ŋą.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Mąątɛ̨nɛ̨ 67:4

Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Dutɛrɔnome 30:14

Mąąhɔlɔɓo, nwoo tii kaa kpɔlɔɔ ka kwɛlɛ, mąą lɛɠɛɛi kaa kpɔ hɔɔlɛɛ, gaa ka laaləi, ə ɓo ka lii pɔ, ka pɛli bɔ mɛ̨nį kɛi.

Mąątɛ̨nɛ̨ 110:6

Gaa lɔiɠaa kiti teei, nu powa yɛ pu geemɛ̨i yɛnɛ̨ɛ̨ nąą kəlee, gaa nuą wolo woloi, yɛ lɔi ɲąąwooɓo nuą nwun nwolo.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.