Azaya 51:23 - Yálá laawoo hɛɓɛ (dc)

²³ gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Yálá laawoo hɛɓɛ

²³ gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Bible

²³ Diai kɛ̀ mɛni ŋánaa kɛ̂i a káai, dia ƃé ŋa pâi gɛ̂i tí a dia. Dí kɛ̀ m̀ôi kâa dîyɛɛ, ‘Ka láa kú sía kápôlu.’ Dí kɛ̀ siâi naa yɛ̂ɛ nûa da kɛ̀ siâi pere-lêe-ŋa ma.”

Azaya 51:23 Referans Kwoze

Zasua 10:24

Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

Zakari 12:2

Gáá pai Ɉerusalɛmə kɛi a lɔɔ gbąmą, yɛ gwɛlɛ lɔiɠaa kəlee kɛlɛ. Ɉuda kaa lɔ pai kɛi tii, a ɓɛlɔwai di kaa pai kɛi kɔ́ pɛlɛi la Ɉerusalɛmə ɓa.

M̀ɛni-lɛɛi 17:18

«Ɛlɛɛ, nɛ̨ɛ̨nui tii ə́ gaa, daa-lee kɛnɛ̨i hééɓolaa kɛi, lɔi mɛ̨i tɔɔɓɛlaa kəlee mɛ̨i, yaa li.»

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

Hanwon 21:18

Tələnmomun nwun mąą a ɓo a nwąnąlɔmun, kwəi kwələ nuą nwun mąą a ɓo a woo kala nuą.

Hanwon 11:8

Nui a hiɛ tɛ̨ą pələ mɛ̨i, a mąą nu mɛ̨i kaa. A telimo nuą túwɔ́ pələ mɛ̨i kaa.

Mąątɛ̨nɛ̨ 66:12

Yáá hvaa mą diɛ ku hon, yɛ taatɛlɛɛɠaa. Kwaa lɔ nwɔ̨n ɉu, kwaa lɔ yái, Kɛlaa, ə́ ku kulɔ di yəi, Ə́ ku ɓɛlɛhee kɔ̨nɔ̨n gɛ.

Abdiasə 1:16

Kaai ɓaa Israɛlə nu huwu, kaa gbɛa nwɔ́ liiɲąnwąną kpələ kɔ́wɔi hu lɔɔ kpələ, nwɔ́ yee ŋɛ̨i ɉéé pɛlɛ kaa tɔɔ ni mɛ̨i, mą. Yii ɓaa nɔi yiiɠaa tii di wɛi, gbəlɛɛ hvo pai kpɛlai pələi, di kaa pai gbələi, ə di kɛlɛ. Yili pulu, di kaa pai kpɛɛi kpɔ lɔi mɛ̨i tɛ̨ɛ̨tɛ̨ɛ̨??.

Mise 7:10

Ɲówo kaa pai nąą kaai, yɛ nwumɛ̨; yai tii kɛi kɛ mą́ą́: «Ə́ wɔ Yálái Yai-Laa kaa mį?» Ɲɛ̨́i kaa pai tɛɠɛ ɓoi ɉu, di kaa pai dan ɉii yɛ pələ pɔ palaya.

Mąątɛ̨nɛ̨ 129:3

Kɛɛhin nuą di kɛi kɛɛhin búlu hɛ̨ą; diɛ kali pɔɔ laa laa a gbɛa-kpɛa.