Azaya 51:10 - Yálá laawoo hɛɓɛ (dc)

¹⁰ kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Yálá laawoo hɛɓɛ

¹⁰ kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Bible

¹⁰ Yá ƃé gɛ̀ yúo é kpála é tóo gáo ma, í pere láa zâmai, a gɛ́ɛ diai í díŋuŋ ma ƃoi, dí tɛ́ɛ naa.

Azaya 51:10 Referans Kwoze

Azaya 43:16

Yai-Laa woo ka, yai pələ laa gboloyá hɛ̨ąi, yɛ nu tɛɛ kpaalə kulɔ ya hvɛɛɠaa hu.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Lɛɛ gbɔwɔ ɓa 15:13

Yáá Ə́ wɔ nu huwui nwun mąąɓo, a wɛlikɛmąąlaa, a huwalawalalaa, Yáá tɔɔ di tɔwɔ, Yɛ́ li a diɛ ɓɛi ə́ wɔ Mąąhəɠəlaa kaa heeni laa.

Azaya 42:15

Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Mąątɛ̨nɛ̨ 74:13

Ə́ gboloyá hu hon a ə́ hvaŋą, yɛ́ ɉu huwɔ mąąɲɔwuɔɠaa huwolo ɲa ŋą.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 106:9

Ə tómą Veengbɔ̨nɔ̨ gboloyá mɛ̨i, yili ə kpala, Ə nwɔ nuą tɛɛ paalə kpon hu kwɛaa hu, a di kɔwɔ mąą kpalaa, yɛ da kɛi hiɛ lɔi kpalan mɛ̨i.

Mąątɛ̨nɛ̨ 106:10

Ə di kulɔ di yowoɠaa yei ɲą, a diɛi kɛi wɛlikpɛɛmąąlaa kulɔ a diɛ, Ə di mąą kɔ̨nwɔ̨ di yəi.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Azaya 11:16

Yálá nwɔ nuąi da lɛɛ a di hvulú Asiri lɔi hu, da pələ hɔlɔɓo di pa, yɛ bələi wɔlɔ Israɛlə nuą di pələ hɔlɔɓo la, diɛ həɠə Eziptə.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Lɛɛ gbɔwɔ ɓa 14:29

Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Mise 7:15

Mɛ̨nį ɲɛ̨i kɛnɛ̨ɛ̨ lɛlɛɛɠaa lɛ kuɔ, yɛ ɲələi ə́ ku kulɔ la Eziptə lɔi hui.