Bib sou entènèt

Azaya 50:4 - Yálá laawoo hɛɓɛ (dc)

⁴ Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Gade chapit la Kopi

Yálá laawoo hɛɓɛ

⁴ Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Gade chapit la Kopi

Bible

⁴ Ǹuu-namui Yâwɛɛ a m̀ɛnii ƃó ḿâ ŋa pâi m̀ôi. A m̀ó ḿâ a gɛ́ɛ ŋá diai líi kúla nyii-ŋai dífii kpɛɛ̂i. A gɛ̀ ŋá ŋ́oli lá ƃó a ɣele ƃɔ̂i kélee, a gɛɛ ŋá m̀ɛnii mɛni a pâi ǹɛ̂i ḿâi.

Gade chapit la Kopi

tounen moute ⬆

Azaya 50:4
31 Referans Kwoze

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Hanwon 25:11

Mɛ̨nį lɛlɛɛ ɓoɔ a moi lɔwai kaa yɛ hɛni kpuwulu, nwəli la laa a wali kwɛli.

Hanwon 15:23

Mɛ̨nį hutoɔ a woo nɛ̨ɛ̨, a nu kwəinɛ̨ɛ̨, mɛ̨nį ɓoɔ a moi lɔwai, yili ɲąą nɛ̨ɛ̨i kpɔ nwɔ̨nɔ̨ a mɔlɔ.

Mąątɛ̨nɛ̨ 119:147

Ŋą́ humo, ŋą́ kulɔ yələɓɔi tɔwɔ, gɛ́ tomą ə́ pɔ pələ, gílitɔɔi ə́ woo ɓa.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Maafîu 13:54

Ə li di wɔ Yálá hvɛli pɛlɛ́i mu, yɛ di mąąkwɛli. Nwɔ mąąkwɛli kɛ pələ ə nuą kəlee kwəi pili diɛ, diɛ kɛ diɛ: «Ə həɠə mį a gilimąą wooɠaa ŋɛ̨i, da gbalo mɛ̨nįɠaa kɛɛ ŋɛ̨i?

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 22:46

Di ta lɔpee hvo pɛli nwoo ŋąąpənəi. Ə həɠə ɲələ ɓa, nui lɔpee ta hvo kɛa giliŋąhiɛ Jesus mąąni kɛ mɛ̨nį ba.

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Mąątɛ̨nɛ̨ 88:13

Ə́ wɔ kpalu mɛ̨nį a pɛli mɔ̨ɔ̨ kɔ́lɔn ɉi kpinį hu? Ə́ wɔ tələnmolaa a pɛli mɔ̨ɔ̨ kɔ́lɔn ɉi lɛ̨ąmąą taa?

Hanwon 12:25

Liihɛlɛn a kɛ nu ɓa, a kpala, Kɛlaa woo lɛlɛ ɓoɔ nu ɓa a nįilɔ.

Azaya 8:16

Ɉɛɓɛ́i ŋɛ̨i laa kpulu, mąąkwɛli wooi ŋɛ̨i loo ɲéépɔ nuą diɛ.

Azaya 28:9

Diɛ gɛ tii, di woo laa diɛ: «Gbɛɛ ɓə yɛ́ ə́ mɛ̨nį lɛ mą? Mɛ̨nįi ə́ kaa gaai, yɛ́ ə di hukulɔ gbɛɛ ɓa? Yɛ́ ə́ mo lɛapɛɛlɛɛi daa di laa kulɔ ɲįnį ɓa a nįnɛ̨ diɛ?

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Azaya 40:29

Nui vaŋą hvo kɛnɛ̨ li, a mąą nu hvaŋą lɔ, nui vii aa kpɛɛ, a mąą nu hvaŋą lɔ.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Izikiɛ 46:13

Hvóló tɛi tɛi yeemu, yá haláá hɛn da gəlee kələn gulɔ, a kwɛlan dɔ̨nɔ̨ ɓɛlaa lon, kpɛɠii hva kɛ mą; mąąnɛ̨ɛ̨ ə gulɔ yələ wala pɔ tɛi tɛi, a Yai-Laa nwɔɔ.

Dutɛrɔnome 18:17

Yili ɓə gɛ, Yai-Laa yɛ mą́ą́: «Tɛ̨ą kaa di pɔ.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Zôo 4:4

nuąi kɛ lan bələ mɛ̨i, ə́ hvaa woo yɛ di hvilɛn pələ ɓa. Yiiɠaai di kɔ́wɔ ə kɛi kpɛlin di mu, yɛ́ hvaŋąlɔ tɛɛ di pɔ;

Mąątɛ̨nɛ̨ 40:7

Haláá hɛn da kɔ́ɓo hɛn lɔpee ta wɛli hva ə́ hon, ə́ nwə́li wolo ɓo, əgɛ, ŋį́ mɛ̨nį mɛ̨n, hvo kɛ haláái da gəlee kələn da nɛ̨ŋɛ̨n mąąhvaalɛɛ haláá, da lɔpee hvɛli li.

Swiv nou:

Lyen patwone

Piblisite

Piblisite