Azaya 50:2 - Yálá laawoo hɛɓɛ (dc)

² Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Yálá laawoo hɛɓɛ

² Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Bible

² “Lé ƃé gɛ̀ ŋá pà fé núu da káa níi? Lé ƃé gɛ̀ núu da fé ŋ́oo su too níi? Ka ǹɛ̂i ḿâ fa pɔ̂ri káŋuŋ ma ƃôi? Kpaa máŋ káŋuŋ maa ma ƃó wala-wala fé ńyêei? Ŋa gɛ̀ yúo é kpála, ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su, ǹaa su nyɛ̃ɛ-ŋai dí sáa.

Azaya 50:2 Referans Kwoze

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Hanwon 1:24

Yii kpɔ ŋą́ą́ ka təli, kaa diɛ kpaa, ŋą́ą́ ɲéé haŋąn nu ta hvo ɉon ni,

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Danîa 3:29

Ə həɠə yiihu ɓa, tɔ́n yii gáá dɔɔi, ya ka: Gɛ́ nui lɔpee gəlee, hįi lɔpee, hįi woo lɔpee gəlee ɓo nuą, nui a woo ɲɔ̨n mo a Sadrakə, Mesakə da Abɛdə-Nego ni di wɔ Yálái laa, da mąą nu hu tee-tee, di nwɔ pɛlɛ́i pu, naa ə lɛɛ, a tulun ŋą. Mąąhɔlɔɓo, di wɔ Yálái yaa tɔ̨nɔ̨ ɓə a pɛli nu nwun mąąɓoi.»

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 43:16

Yai-Laa woo ka, yai pələ laa gboloyá hɛ̨ąi, yɛ nu tɛɛ kpaalə kulɔ ya hvɛɛɠaa hu.

Azaya 42:15

Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 7:21

Ɉɔwɔleeɠaa di haa, ɲá ə kun Eziptə nuą di hvo pɛli da kpələi, ŋąmą yɛ ɓo nɔi nąą kəlee.

Lɛɛ gbɔwɔ ɓa 7:18

Ɉɔwɔlee kəlee di haa, ɲá ə kun, Eziptə nuą di hva pɛli da kpələi.›»

Ɉaan 3:19

Kití tii nwun mąą: kɛɛ pono ə pa yɛnɛ̨ɛ̨ nuą pɔ, di lənə ma, di kpinį wɛli la kɛ; mąąhɔlɔɓo, di túwɔ́ pələɠaa ɲɔ̨nwɔ̨ɔ̨i.

Markə 4:39

Jesus ə ɲɛ̨ilaaɓo, ə haŋą vaŋa ɓa, yɛ ɲá ɓa: «'Kɔlɔ haa yɛ́.» Vaŋa ə kpəla ma. Kɛɛ mąą ə haa kpɔ tin.

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Azaya 63:13

Nui kɛi di tɛɛ ɓoloon gɛnɛ̨ɛ̨ hu, ə wɔɔ? Di kɛi hiɛ, yɛ hoo a kɛi hiɛ lɔi pun ɉu, di hvo kɛi kalin.

Azaya 51:10

kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Azaya 41:28

Ŋą́ ɲɛ̨́i laa, və́ nui lɔpee ta kaa li, nui kpɔ nu ə nwun dɔɔ la, hvo kɛ di lɔwai, ŋį́li kɛ nwún dɔɔ a diɛ, diɛ nwóó pulu pənə.

Azaya 36:20

Nɔiɠaai kpɔ tii nɛlɛ ɓə nwɔ yáláɠaai di pɛli di nwɔ taaɠaai kulɔi ɲéé ɲą? Yai Yai-Laa kaa pai Ɉerusalɛmə kulɔi ɲéé ɲą́?»

Azaya 19:5

Gboloyá kaa pai kpalai, ɲá lee kɛnɛ̨i yɛ kpala.

Mąątɛ̨nɛ̨ 107:33

A pɛli ə yá kpɛa-kpɛa mąą pənə a lɔi pun ɉu kpalaa, ə yá nwun gulɔiɠaa mąą pənə a kpələ wɛli həɠə lɔi.

Kɔlɔnikɔ Veerɛi 32:15

Ə həli kani kaa! Ezekiasə hvo kɛ gaa ka lɔi mu, hvo ka ɓowo lɔ tii! 'Ka hvo laa na, mąąhɔlɔɓo, lɔi ta hvo laa, tɔɔlaa ta hvo laa, yii nwɔ haliɠaa da pɛli di di kulɔ ɲə́ə́ ŋą gwa ną́nni; gu hvo mun kɛ ka wɔɔ haliɠaai, di hva pɛli mą ka kulɔi ɲə́ə́ ŋą!»

Lɛɛ gbɔwɔ ɓa 14:29

Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

Mąątɛ̨nɛ̨ 106:9

Ə tómą Veengbɔ̨nɔ̨ gboloyá mɛ̨i, yili ə kpala, Ə nwɔ nuą tɛɛ paalə kpon hu kwɛaa hu, a di kɔwɔ mąą kpalaa, yɛ da kɛi hiɛ lɔi kpalan mɛ̨i.

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Azaya 23:11

Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

Azaya 54:6

Mąąhɔlɔɓo, ə́ kaa yɛ nɛ̨ɛ̨nui nu hvo mą, mąąwɛliɛ, Yai-Laa kaa pənəi yɛ ə́ təli, yɛ kɛ diɛ: «Nu hva pɛli gili kulɔi nąŋą yələ nɛ̨ɛ̨nu hu.»

Ɉeremi 7:27

Ɉeremi! 'Lí ə́ mɛ̨nįɠaa tii ɲąą lɛ diɛ, ə́ ɉukulɔ diɛ; di hvo kpɛli pai di wəli tɔɔ yɛ́. 'Ə́ di təli, di hva kpɛli hvaa.

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Habakukə 3:8

Yai-Laa, akɛti, ɲaleeɠaa ɓə ə́ líiholi? Akɛtii, ɲaleeɠaa ɓə ə́ lii kələn ɉi ə́ kwəi? Akɛtii, gboloyá ɓə ə́ lii kaa holii bɔ? Ya tɛ tulɔ kpilinin mɛ̨i, yɛ nuą kɛi tɛ wotolo hu, yɛ li a yɛ́ yeetɛɛmąą kɛi.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.