Azaya 5:26 - Yálá laawoo hɛɓɛ (dc)

²⁶ Aa ɲee kpuɔ lɛ lɔi mąą kwɛaa ɓa, yɛ dəli a kwelee woo lɔi kpon ɉeei, ya ka tii gɔwɔ mąą hulɔi, yɛ pa a gilɛ.

Yálá laawoo hɛɓɛ

²⁶ Aa ɲee kpuɔ lɛ lɔi mąą kwɛaa ɓa, yɛ dəli a kwelee woo lɔi kpon ɉeei, ya ka tii gɔwɔ mąą hulɔi, yɛ pa a gilɛ.

Bible

²⁶ A pâi ŋɛi-kɛ-maa maa-ŋa lɛ̂i ǹɔii-ŋûŋ-ŋai dîa nyíi-ŋai dínaa kôya-koyaai a gɛɛ dí pá. Diai ǹɔii kóyɛŋ mai, a pâi dítôlii a koro-wôo. Da pâi pâi Zerusâlɛŋ a kîrɛ.

Azaya 5:26 Referans Kwoze

Zakari 10:8

Gáá pai húú pili, gɛ́ di ɲąąkpɔn, hvo gaai, ŋą́ą́ di nwun mąąɓo. Di kaa pai ɓuwuɓoi, yɛ tɔlɔɔ-tɔlɔɔ yələ.

Azaya 7:18

Mąą yələ, niiliɠaa kpɔ di kaa Eziptə ya pulu pələ, da Asiri lɔi hu kwɛ̨iŋąą, Yai-Laa a di təli a kwəlee woo,

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Habakukə 1:8

Di wɔ hvooɠaai gilɛ həɠə yee tɛɛi kwɛliɠaa diɛ. Di hukələn-gələn ɲee tɛɛi kwɛli nwɔ yələwulii kɔ̨nɔ̨n gwɛlii lɔwai ɓa. Da kulɔ kwɛaa la, di wɔ hvoo mɛ̨i nuą da laŋin, diɛ koon yɛ kuwɔ a gɔ̨nɔ̨n gaa, yɛ li ɉon ɉi.

Zooɛ 2:7

Da gilɛ həɠə yɛ kilɛn nąŋąa. Diɛ tɛ hįį ɓa yɛ kɔ́kulááɠaa. Di ɲɛ̨i hvaŋąą di tɔwɔ di ta hva həɠə gbaalə mɛ̨i.

Woolaa 4:19

Ku kpɛ nuą mąąhulaai, di mąąhulaai di tɛɛ kúwɔ́ ɓa, di pu kuɔ, di lɛɛ ku pulu, ku tɛ ɲeeɠaa ɓa, di laa ku tɔwɔ, di pələ hɛlɛn tɛ ku tɔwɔ nɔi pun ɉu.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Azaya 39:3

Nąąlɔwai, Yálá kwəi mɛ̨nį hukulɔ mun Esai ə pa ə tɔɔmun Ezekiasə kaa, yɛ mą: «Lə mɛ̨nį ɓə nuąi tii di mo yɛ́, ɛlɛɛ, di həɠə mį?» Ezekiasə yɛ mą: «Di həɠə kpɔ kwɛaala, kpɔ Babilonə diɛ pa di woo pilii mą́ą́.»

Azaya 30:16

Ka káá kɛi diɛi: «Ku kaa tɛi hoo mɛ̨i, kuɔ pu.» Ee ka pu kan! Ka káá tɛi gilɛ həɠə wotoloɠaa hu, kaa pu, Kɛlaa ka kpɛ nuą da gilɛ həɠə di tɛɛ kaa.

Azaya 13:5

Di kaa həɠəi kwɛala lɔi hu, yələkɔlɔn gbɛlai pələ, Yai-Laa da nwɔ liiholii nwąnąkulɔ hɛnŋąąi, di kaa pai nɔi kəlee huwoloi,

Azaya 13:2

«'Ka tɛ yee ta nwuɔ̨, ɓɛi lɔwɔ hvo laa, 'ka ɉilɛyili tɛ ɲələi, 'ka tómą, 'ka ka yee tɛ yələi, 'ka di təli galanɉonŋąą yəi bɛlɛ́ laaləi,

Mąątɛ̨nɛ̨ 72:8

Nwɔ tɔɔlaai a həɠə gboloyá ɓa, ə həli la dakpɛli ɓa; ə həɠə ɲá kɛnɛ̨ ɓa, ə həli lɔi kpɛlai.

Mąątɛ̨nɛ̨ 60:4

Yáá lɔi hiɠi-hiɠiɓo, yáá gulɔ gee la, Nwɔ́ palaɠaai laa kpulu, gáá tɔɔi takpa-takpa.

Azaya 10:3

Ka káá pai gɛi ləi a nwąnąkulɔ yələ? A ɲələi ka hu kala hɛn a həɠə la kwɛala yɛ pa? Gbɛɛ ka káá pai pui kaa li bɔ, yɛ ka mąąkɔ̨nwɔ̨? Mįnɛ̨ ɓə ka káá pai ka wɔ hɛn gɔwɠaai laaikɛi laa?

Azaya 13:3

Nwɛ́i, nwɔ́ kɔ́kuláaɠaai ŋį́ di həɠə ɉu a nwɔ́ɔ́, ŋą́ą́ di təli, ŋą́ą́ kɛla tɔɔ nwɔ́ kɔ́kuláa yɛlɛɛɠaai pɔ, a diɛi tii ɲɛ̨́i pɔ̨nɔ̨ mɛ̨nį kaa a di kwəinɛ̨ɛ̨ mɛ̨nį, diɛ nwɔ́ liiholii nwąnąkulɔ.»

Azaya 13:4

'Ka di hu tín mɛ̨n ɲeeɠaa hu, gaa yɛ nu kpulu kɛnɛ̨, 'ka nɔiɠaa hu tín mɛ̨n, lɔiɠaa ɲąąkpɔn ŋąąi, Yai-Laa Mɛ̨nį Kəlee ŋą Hééɓomun, kaa nwɔ kɔlaɠaɠaai mɛ̨i kaai, di kaa lii kɔ́ ɓa.

Azaya 31:9

Nwɔ kwɛni kpuwului kaa pai pui a ɲɔw, da kɛi nwɔ kɔ́ nwun nąmįnąąi təli, diɛ mun diɛ pu a gilɛ. Yai-Laa woo li, yai nwɔ nwɔ̨n kaa Siɔn, ɛlɛɛ nwɔ kpaɠa nwɔ̨n ə ɓo Ɉerusalɛmə daai.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.