Azaya 5:17 - Yálá laawoo hɛɓɛ (dc)

¹⁷ Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,

Yálá laawoo hɛɓɛ

¹⁷ Ɓɛlaa lonnii kaa pai kɛi di laa mįi laa, yɛ da kɛ kpomói, ɓoolu lonnii wulaaɠaa diɛ di laa mįi daa kpoloon ɉu,

Bible

¹⁷ Ƃála lônii-ŋa da pâi kɛ̂i dílaa miî daa pîleŋ-ŋai ŋá, ƃoli lônii-ŋa dia máŋ díkɛ díkɔnɔ̃ŋ sɔlɔ ƃô naa.

Azaya 5:17 Referans Kwoze

Sofoni 2:6

Gboloyá kwɛlɛ lɔi kaa lɛɛ a taatɛlɛɛɠaa laa mį́i, a ɓɛi taatɛlɛɛ mɛ̨i kaa nuą da kɛ hiɛ-hiɛ kɛi laa, diɛ taatɛlɛɛ gala tɔɔ laa.

Azaya 7:25

Yii ɓaa ɲeeɠaai tíi ə kɛ mą, diɛ muwɔ a kali, nu hva pɛli kɛa lii laa, ɓomodiliin da ɲąąlən gbɔlɔ mąą mɛ̨nį ɓa; nąą a lɛɛ a nįŋɛ̨ɠaa da ɓɛlaaɠaa laa mįi.

Sofoni 2:14

Daa kpoloon tii hɛ̨ąi ɓə taatɛlɛɛɠaa kaa pai kɛi di hviitɔɔi laa, da lɔwɔ huwɔ huwui lɔpee, ə mą kɛ, kpəlakpəla, tə́li, di kaa pai kɛi yíi dɔɔ-pɛlɛ́ kpoloonŋaai tii mu, di huluun nwoo kaa pai kɛi tɔɔi bɛlɛ kpoloonŋaa nwolo ɓa, ə həɠə ɉį́i la, pɛlɛ kpoloon nɔ ɓə nu ya gaa, kpitili wului di bɛlɛ kpɛ̨ą la, ya gaa, mąą pɔ̨nɔ̨ɔ̨.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Mise 2:12

Gáá pai Ɉakɔbə nwɔ pɛ́lɛ́i kəlee pɛlɛi gee ɓa, gáá pai Israɛlə nu kpəli ɲąąkpɔn ɉii, gáá pai di pui di kee ɓa yɛ Bɔsra ɓɛlaa haaɠaa, yɛ taatɛlɛɛ kpulu a kɛ kala tiliin mɛ̨i, ɛlɛɛ, nu woo kaa pai kɛi tɔɔi di lɔwai.

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Woolaa 5:2

Ku kwɛlinŋaa daa lɛɛ nu takpɛliɠaa yəi. Nuąi ku wɔ pɛlɛ́ɠaa kaa di yəi, ku hvo di kɔ́lɔn.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 32:14

Dɔɔmun ŋą pɛ́lɛ́i aa lɛɛ a vowolo, daai tii kɛ naa hvɛɛ a nukan, aa lɛɛ a gboloon, ɲee kpu kpu da daa mąą kpɛ hį́i, daa lɛɛ a huwɔ pɛlɛi a yələ kəlee mɛ̨nį, a hoohvaalənŋaa di wɔ kwəinɛ̨ɛ̨ kulɔi, da taatɛlɛɛɠaa laamįi…

Azaya 17:2

Daaɠaai ɲee mu, nu hvo kɛa pai lɛɛi di hu, di kaa pai lɛɛi a taatɛlɛɛɠaa pɛlɛi, ɛlɛɛ, nu ta hvo pai kɛi di kpɛi.

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

Mąątɛ̨nɛ̨ 73:7

Di wɔ kiliŋąhiɛ ɲɔ̨nwɔ̨ɔ̨ a kulɔ di kɔ́lɔ ɓa yɛ wulɔ, di líí laahvɛɛ a gbąną mɛ̨nį.

Mąątɛ̨nɛ̨ 17:14

Yai-Laa, ə́ yee ə di kpɛ lɔi mɛ̨i, di həɠə yɛnɛ̨ɛ̨, di kulɔ nu kanŋaa lɔwai. Yili kpɔ ɓə mąąnɛ̨ɛ̨ ə həli diɛ yɛnɛ̨ɛ̨ ɓɛ. 'Di pilɛ a mɛ̨nį ɲąąnwąnąąi ə́ naa di tɔwɔi! Di lonnii di pilɛ ɉu, di da lɛɛ di kwəi lonnii tɔwɔ.

Mąątɛ̨nɛ̨ 17:10

Di wulɔ aa di laahvɛɛ, kpɔwɔ ɲąąkɛnɛ woo ə ɓo di la.

Nehemi 9:37

Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Osia 4:16

A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.