Azaya 5:14 - Yálá laawoo hɛɓɛ (dc)

¹⁴ Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Yálá laawoo hɛɓɛ

¹⁴ Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Bible

¹⁴ Puru ŋánaa káa saa-táa kɛ̂i. A ǹá táa kpɔ́ a zu kɛ́tɛ a gɛɛ é Zerusâlɛŋ nua kpaya-kpayai kpéle da ǹyóo-yoo-ƃelai da kɛ̂ lii-nɛ̃ɛ kulâi naai.

Azaya 5:14 Referans Kwoze

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.

Hanwon 30:16

Ɲąmuątaa, kpoma nɛ̨ą, lɔi hva pilɛ yá hu. Nwɔ̨n hva kɛ diɛ: «Aa pilɛ!»

Maafîu 7:13

«'Ka lɔ bɛlɛ́ laaləi logolo ɓa. Mąąhɔlɔɓo, bɛlɛ́ laaləi kɛnɛ̨ kaa a pələ yii ɉu hiɛɓo laa nɛ̨ɛ̨. Kɛlaa, a nu nwun napili; bələ yili ɓə nu tamąą da ɉon na.

Hanwon 27:20

Ɲąmuątaa da kámą di hva pilɛ, bələ lɔ ɓə nu ɲɛ̨ikɔw hva pilɛ la.

Mąątɛ̨nɛ̨ 55:15

Nɛ̨ɛ̨laa ɲąąnɛ̨ɛ̨ aa kɛ gu yili gu kee ɓa, gu ɓo gu kee pɔ Yálá yəi bɛlɛ́n guɔ hiɛ gu kee pɔ.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 14:9

Ə́ pa mɛ̨nį bələ mɛ̨n ɲąmuątaa ə mo, níi kaa kulɔi mą, yɛ haa nuą nwun, ə́ laakwiɛn mɛ̨nį ɓa, yɛ yɛnɛ̨ɛ̨ tɔɔɓɛlaa kəlee həɠə di wɔ tɔɔkpəlin hu.

Lukə 17:27

Noe ŋą yələi, nuą di kɛi di laa mį́į́, diɛ di kpələ, diɛ nɛ̨ą həɠə, diɛ li hilɛtaai, diɛ di lon nɛ̨ąni ya. Ə lɛɛ ɉu, ɲələi Noe ə lɔ la gələn ɉu, ɲą nwąną yɛ nuą kəlee nwun napili, ɲələ ə ɉəli.

Azaya 21:4

Ɉú aa pu mą́ą́, mą́ą́ yɛ kpɛlin a ɲɔw, yələwulii pɔ hvaŋą laɠii gíli ə kɛ mą, aa mąąpənə ɲə́i a mąąɲɔw hɛn.

Hanwon 1:12

Gu di yəi hɛnŋąą həɠə di yəi, gu di kpələ, yɛ gwa kɛ a ɲąmuątaa, yɛ nu a too lɔwai.

Mąątɛ̨nɛ̨ 49:14

Nuąi da di kilitɔɔ diɛ, bələ ɓə di tínąą kaa la, a diɛi da di wəli tɔɔ di hvaa woo ɓa, diɛ di mąątɛ̨nɛ̨.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Nahumə 1:10

Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Azaya 14:11

Ə́ wɔ mąąwiɛ aa lɔ lɔi mu, ə pɛlɛ la ə́ wɔ túlú wooi ɓa, kpəəli pɛlɛɛ daa di haɠa pɛlɛ ə́ mu, ə́ yii həɠə ɓaa kolo pɛlɛɛ.

Azaya 24:8

Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.