Azaya 5:13 - Yálá laawoo hɛɓɛ (dc)

¹³ Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Yálá laawoo hɛɓɛ

¹³ Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Bible

¹³ M̀ɛni ma, da pâi liî a dia luɛ-lâa su. Dílaa túɛ-ƃelai da pâi saâi a puru, dínûai dísaa a kpele wɛ̂li.

Azaya 5:13 Referans Kwoze

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Azaya 1:3

Nįɲɛ̨ ə nąmu kɔ́lɔn. Hoohvalən yaan, ə naa mįi kɔ́lɔn nąmi pɔɔli. Kɛlaa, Israɛlə hva mɛ̨nį kpaɠala kaa. Nwɔ́ nu huwui hva mɛ̨nį ɲąą kaa.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Piɛrə veelɛ 3:5

Yii da kɛ lɛ̨ąi mą, ya ɓaa: Yálá aa wɔlɔ yələkɔlɔn da lɔi di pɛli, a naa woo, ɉu aa kwɛa, lɔi ə kulɔ yai, di bɛli a ya.

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Ɉeremi 8:7

Kpalanwɛ̨nį, ə pai lɔwai kɔ́lɔn, hvólóon, da nįŋɛ̨ pulu nwɛ̨nį di di pa kuu da di li kuu kɔ́lɔn. Kɛlaa nwɔ́ nuąi di wɛi, tɔ́n Yai-Laa ə dɔɔ diɛ di hva hiɛ la.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Amɔsə 8:13

Volói tii a həli, kpələ wɛli a nɛ̨ɛ̨lɛa lɛlɛɛɠaa da hilɛlɛaɠaa hɔwa.

Tɔɔɓɛlaa veelɛ 17:6

Ose nwɔ tɔɔlaa gwɛlan mɛ̨inąąn nɔwai, Asiri tɔɔmun ə Samari hon a kɔ́, ə Israɛlə nuą damąą həɠə, ə li a diɛ Asiri lɔi hu, ə di hee Hala da Habɔrə ya kwɛlɛ, yai kɛ a Gozan nwɔ ya lee kɛnɛ̨, ə daɠaa hee Medi taa kpɛa kpɛaa hu.

Azaya 3:1

A tɛ̨ą hɛn kpɔ a pɛli kpɔmąą tɛɛi, Ɉerusalɛmə da Ɉuda lɔi di pɔ, Nąmu Yai-Laa Mɛ̨nį Kəlee ŋą Hééɓomun kaa pai, gəlee kulɔi di yəi; yɛ ə kɛ a ya, yɛ ə kɛ a kɔ̨nɔ̨n.

Azaya 3:3

Yɛ ə kɛ a yala nąmu, yɛ ə kɛ a kalanɉon; yɛ ə kɛ a liɛwoo kɛmun, yɛ ə kɛ a ɲąmuątaa tɔlukpɛmun, ə mą kɛ, a pənən gɛmun.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 44:19

Di kili hva mɛ̨nį hukpɛ, di hva kpɛli di kiliŋąhiɛ, di hvo kɛ mą: «Ŋą́ą́ háá bələ tɔ̨nɔ̨ kələn nwɔ̨n ɉu, ŋą́ą́ bələ tɔ̨nɔ̨ kɛ a gɔnɔ̨n ɲili kwɛi, ŋą́ą́ huwɔ mɔ̨n dəŋą ɓa, ŋą́ą́ mįi, ɛlɛɛ gbuɔ woloi aa lɛɛ, ya ka gáá pɛlɛi gɛ́ kwɛli hvilɛ mą!»

Azaya 49:21

Nąąlɔwai, ə́ kaa pai kɛi ə́ kpɔwɔ mąąni kɛi, yɛ́ kɛ diɛ: «Kwa gbɛɛ ɓə yiiɠaai kaa? Ɲą́ą́i lon və kɛa kɛ mą́ą́, ŋį́ ɓo a kpomąnɛą, daa kɛ gúlɔ lɔwɛi, ŋį́ ɓo luwɔlaa hu, gbɛɛ ɓə yiiɠaai kulɔ ɉu? Ŋį́ kɛ dɔ́nɔ́ kon ɉu, yiiɠaai di kɛ mį?»

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Izikiɛ 7:12

Nąąlɔwai kaa pai, ɲələ aa lɛɠɛ, hɛn ɲamun və kwəinɛ̨ɛ̨ kulɔ; hɛn nɔwɔtɔɔmun və kɛ liiɲąnwąną hu. Mąąhɔlɔɓo, kɛɛ kala liiholi kaa pai heei nɔi hu hɛn gɔw kəlee diɛ.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.