Azaya 5:11 - Yálá laawoo hɛɓɛ (dc)

¹¹ Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Yálá laawoo hɛɓɛ

¹¹ Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Bible

¹¹ Kpalo-ƃêlaai diai dîa da dí mù sìɣe a ɣele wâla pɛ̀pɛ dí lɛ́ɛ lɔɔ kpelêi é lɛ́ɛ la zu ɣele wûlii é kɛ́, ǹɔɔi é dí kɛ́.

Azaya 5:11 Referans Kwoze

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Azaya 28:1

Kpalo ɓɛlaai Ɛfraimə lɔɔ honŋąą di wɔ kpɔwɔ ŋąąkɛnɛ̨ ɓɔlɔi ɓa, nwulu powaɠaai daa yohva, diɛi kɛ a Ɛfraimə mąąyili hɛn ɲɛ̨i tɔɔɠaa, diɛi ɲa ɓoloon nɛlɛɛ hui, kaai lɔɔ yee aa tɛɛ kaai.

Habakukə 2:15

Kpalo ɓɛlaai kaa! Kaai ka lɔɔ kpəɠiɛ tɔɔ ka ɓɛlaa la, yɛ pilimąą, yɛ di hon, diɛ di kpúwúlú lɛ.

Hanwon 23:32

Kɛlaa, nɔɔi tii ŋąąkpɛɛi, a nu ɲin yɛ kaalə. Ɲin gbolo kaa mą yɛ gbaalawolo.

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.

Samia Veerɛi 19:35

Barzilai yɛ tɔɔmun Davidə ɓa: «Kwɛlan ɲɛli kpɔ ɓə kɛa aa lɛɛ ɲə́i ɓɛ yɛnɛ̨ɛ̨-oo, yaai kwa tɔɔmun kwa həɠə kuɔ li Ɉerusalɛmə daai!

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 24:9

Di hvo kɛa wələ tooi lɔɔ mɛ̨i, diɛ gbələ, nɔɔ kpəɠiɛi aa nwąną gbələ nuą la.

Azaya 28:3

di kaa pai di kɔ́wɔ tɔɔi, Ɛfraimə lɔɔ honŋąą di wɔ ɓɔlɔ ɲɛ̨i tɔɔi mɛ̨i;

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.