Azaya 5:10 - Yálá laawoo hɛɓɛ (dc)

¹⁰ Tíi ə mąn kɛnɛ̨ daną daną, mɔ̨nun mɔlɔ hveelɛ hva hɔlɔɓo ɉu, kəgən ɉu pow mɔ̨nun ɉuwu yɛ kulɔ a kəgən ɉu tɔ̨nɔ̨.»

Yálá laawoo hɛɓɛ

¹⁰ Tíi ə mąn kɛnɛ̨ daną daną, mɔ̨nun mɔlɔ hveelɛ hva hɔlɔɓo ɉu, kəgən ɉu pow mɔ̨nun ɉuwu yɛ kulɔ a kəgən ɉu tɔ̨nɔ̨.»

Bible

¹⁰ Dí máŋ kpɔmɔ ƃâ kpaa lɛ́lɛɛ sí éekà lɔ́ɔlu ma, ŋwã̂ai tìŋ tɔnɔ nɔ́ ƃé da pâi zɔlɔ ƃôi naa. Da kulûŋ puu kpalaŋ ŋá-tii kɛ̀, mɔlɔŋ-kûluŋ tɔnɔ nɔ́ ƃé da pâi dêei naa.”

Azaya 5:10 Referans Kwoze

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Egaa 2:16

Akɛtii, nu a kɛi tɛ kələ hu, mɔ̨nun gəgən ɉu pow hveelɛ həɠə mɛ̨nį ɓa, a li ə pow gbən gaa gələ́ hu, lə ɓə a kɛ a mąą nu? Ɓɛi ŋɛ̨i da nɔɔ ya kulɔ laa, nu a kɛi li liitɛlɛ pow lɔɔli həɠəi, a li ə pow hveelɛ kaa, lə ɓə a kɛ a mąą nu?

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Zooɛ 1:17

Ɉihɛn ɉuwui gu bili, yɛ kpala bɔlɔ mu. Mɔ̨nun aa kpɛɛ, gələɠaa daa lɛɛ a di hvowolo, gələɠaa daa pu.

Levetekɔ 27:16

«Nu a nwɔ lɔi laakwɛlanmo Yai-Laa ɓa a hɛn mąąhəɠɛɛ, hɛn da pɛli ɉii laa, ya ɓə da ɉɔ̨nwɔ̨ kɔ́ɔn mą. Da kpai huwu gəgən ɉu nwun dɔ̨nɔ̨ hɔ̨nwɔ̨ kɛ a wali kwələ pow lɔɔli.

Dutɛrɔnome 28:38

Ka tíi kɛnɛ̨ kɛ, ká dee tiikpə. Mąąhɔlɔɓo, peeləɠaa da gəlee mįi.

Dutɛrɔnome 28:39

Ka viɲə yɛa laa, ka naa hɔn mo, kɛlaa, ka hva nɔɔ kpələ, ka hva kpɛli má kulɔ, mąąhɔlɔɓo, kolo a pu maáɠaa hu.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Azaya 32:13

Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Ɉeremi 48:33

Moabə, ə wɔ kwəinɛ̨ɛ̨ hu kɛnɛ̨i gaa ə́ yəi ɲɛa kɔ́ɔɠaa hu, viɲə yɛɛɠaa hu, gəlee kpɛɛ li. Nu huluun nwoo hva kɛa tɔɔ viɲə lɔɔɠaa pɛlii.

Lɛɛ gbɔwɔ ɓa 37:22

Gbini, gɔnŋąą da gbulɔnŋąą kəlee, di di pu lɔ tanɔ̨n a hɛni huwaa hva-hva.